Bloggfærslur mánaðarins, júlí 2009

Gert er ráð fyrir að flensan stökkbreytist

Heilbrigðisyfirvöld telja greinilega gríðarlega mikla ógn stafa af svínaflensunni nái hún að stökkbreytast, sem verður að telja afar líklegt.

Viðbúnaðurinn er slíkur að hann getur ekki talist nein æfing. Af öllu má ráða að mikið mannfall verið í haust, vetur og fram á næsta ár vegna stökkbreyttrar svínaflensu. Örvæntingin er svo mikil að framleidd eru í gríðarlegum mæli bóluefni sem þó eru afar litlar líkur á að gagnist gegn væntanlegum faraldri.

Svo er það stóra spurningin, hvenær verður flensa að stórhættulegum faraldri. Að öllum líkindum sést það ekki fyrr en allt of seint. Þá er ekkert eftir af viðbragðsáætlunum nema halda uppi lög og reglu og gera það besta í ástandinu fyrir sjúklinga og aðstandendur. Svo máttlaust er nú mannkynið þrátt fyrir alla þekkingu á mannslíkamanum.

 

 

 


mbl.is Heimsbyggðin öll í hættu
Tilkynna um óviðeigandi tengingu við frétt

„... leita að öðrum hópið þjóða til að tilheyra“?

Við stóðum alltaf í þeirri trú að Bandaríkjamenn myndu vernda okkur en þegar þeir fóru héðan árið 2006 þurftum við virkilega að leita að öðrum hópi þjóða til að tilheyra.

Þetta er algjör viðsnúningur á staðreyndum. Íslendingar  áttu langt og farsælt samstarf við Bandaríkjamenn í öryggsmálum og raunar aðrar Nató þjóðir. Við erum enn meðlimir í Nató og verður svo um ókomin ár.

Ísland „tilheyrði“ aldrei Bandaríkjunum, samstarfið var á milli tveggja sjálfstæðra þjóða. Samstarfið var rofið einhliða af ríkisstjórn Georg Bush og er alveg ljóst að nú sjá margir Bandaríkjamenn eftir því eins og svo mörgu öðru sem þessi alræmda ríkisstjórn Bush lét hafa sig út í.

Hins vegar lifum við það af þó ekki verði af inngöngu Íslands í ESB. 


mbl.is „Getum lifað án Evrópu“
Tilkynna um óviðeigandi tengingu við frétt

Gera ráð fyrir mannskæðum faraldri

Það eru nokkur atriði um svínapestina sem ekki er haldið á lofti eða ekki nefnt. Hér eru nokkur:

 

  • Sagt er að pestin sé að breytast í venjulega en skaðlausa flensu
  • Sagt er að hin skaðlausa flensa geti stökkbreyst og enginn veit hversu illvíg hún kann þá að vera
  • Þjóðir heims hafa keypt bóluefni fyrir flensu
  • Ekkert bóluefni er til fyrir stökkbreyttri flensu
  • Margar þjóðir hafa útbúið neyðaráætlun ef ske kynni að „flensan“ verði illvíg
  • Ítrustu áætlanir gera ráð fyrir mjög mannskæðum faraldri
  • Mannskæður faraldur mun hafa mjög slæm áhrif á efnahagskerfi heimsins

 

Yfir alþjóðlegu samfélagi vofa ýmsar pestir sem færustu sérfræðingar telja þjóðir heims algjörlega varnarlausar. Í þeim flokki eru bæði svínaflensan frá Mexico og fuglaflensan sem ættuð er frá Kína.

Já, það er ekki bjart framundan. 


mbl.is 29 greinst með A(H1N1) hérlendis
Tilkynna um óviðeigandi tengingu við frétt

Er þörf á lækkun hámarksmagns áfengis í blóði?

Líklega er það ekkert til vinsælda fallið að draga í efa þörf á lækkun á áfengismagni áfengis í blóði. Freistandi er að draga þá ályktun af lagafrumvarpinu að um sé að ræða einföldun á verklagsreglum fyrir lögregluna. Ef áfengislykt finnst af ökumanni þá er engin ástæða til annars en láta hann blása. Yfirgnæfandi líkur eru þá á því að hann sé yfir mörkunum.

Síðan gerist það í kjölfarið að þessi skrýtna stofnun Umferðaráð básúnar það út um allar jarðir að ölvun við akstur hafi aukist milli ára og því sé enn meiri þörf en áður að leggja fé til ráðsins og lögreglunnar.

Allt hljómar þetta eins og tilraun til að sækja sér hnefa úr ríkissjóði. Eða er þetta einhvers konar tilraun til að auka við verkefni löggæslunnar og Umferðaráðs, löggilding á atvinnubótavinnu? Þetta er hins vegar vel fallið til að efla almannatengsl Umferðaráðs og lögreglunnar, enginn getur verið á móti því að ná stútum undir stýri.

Ég hef ekki nokkra trú á því að vandamálið í umferðinni sé ökumenn með milli 0,2 til 0,5 prómill áfengis í blóði. Eða hversu stórt hlutfall þeirra sem valda eignatjóni eða slysum eru með þetta áfengishlutfall í blóðinu? Hversu stórt vandamál er þetta eiginlega? Eða er þetta vandamál?

Af hverju segi ég að Umferðaráð sé skrýtin stofnun? Jú, aðallega heyrir maður af henni í fjölmiðlum og þá er verið að vara við því að verið sé að malbika Hlíðarhjalla eða kafla á Brúnavegi. Þetta eru afar gangslitlar upplýsingar hvernig sem á þær er litið og lítil von til þess að þær gagnist einhverjum jafnvel þó hægt sé að gera að því skóna að umræddar götur séu í Kópavogi eða Reykjavík.


mbl.is Blátt bann við akstri og áfengisneyslu
Tilkynna um óviðeigandi tengingu við frétt

Er Atli búinn að afla upplýsinga hjá Steingrími?

Af hverju er Atli Gíslason með þessa eilífu sýndarmennsku. Honum ættu að vera hæg heimatökin. Flokksbróðir hans, sjálfur formaður Vinstri grænna og fjármálaráðherra Íslands ætti að geta lagt á borð fyrir Atla. Þeim manni hljóta að vera allir skilmálarnir ljósir, sé á annað borð um einhverja skilmála að ræða.

Það dugar ekki Atla að vera með einhverjar sjónhverfingar og reyna að beina athygli fólks að Alþjóða gjaldeyrissjóðnum.

Athyglin og raunar spjót almennings eiga að beinast að ríkisstjórninni, fjármálaráðherranum ekki síður en forsætisráðherranum.

Atli, varstu búinn að tala við Steingrím um „alla skilmála og öll skilyrði fyrir því að Ísland fái lán frá sjóðnum“?


mbl.is Vill að AGS leggi spilin á borðið
Tilkynna um óviðeigandi tengingu við frétt

Sól á Skagaströnd

Á sama tíma og haglélið gekk yfir Víðidal skein sól á golfvellinum á Skagaströnd, hálfskýjað, norðvestanátt á að giska 6 m/sek og líklega um 12 gráðu hiti.

Þrátt fyrir prýðilegt veður var árangurinn á golfvellinum slakur. Veldur sá er á heldur.  

Skammt er öfganna á milli í íslensku veðurfari. Inn til dala hefur verið frekar þungbúið og þegar sést hefur til fjalla þá skarta þau hvítri kollhúfu. Spákonufelli ofan við Skagaströnd er þó snjólaust og sama á við önnur Skagafjöll. 

Yfirleitt er nú frekar svalara og vindasamara hérna úti á Skaga en í húnvetnsku dölunum en vonandi fáum við ekki haglél fyrr en í fyrsta lagi í haust.

 


mbl.is Háloftakuldar og haglél
Tilkynna um óviðeigandi tengingu við frétt

Féþúfa án skilyrða

Þröngsýnum embættismönnum og stjórnmálamönnum dettur ekkert í hug annað en gjaldtaka, rukka ferðamanninn.

Verði hafin gjaldtaka á svokölluðum þjónustugjöldum íþjóðgörðum landins má gera ráð fyrir því að einkaaðilar taki víða upp svipuðgjöld á vinsælum ferðamannastöðum. Vandinn sem slíkur fylgir getur veriðgríðarlegur, jafnvel svo að ágangur rukkara verði meira og alvarlegra vandamálheldur en ferðir göngufólks. Og í þokkabót aldeilis óséð hvort nokkuð af þessum fjármunum fari í endurbætur eða auknungu á þjónustu fyrir ferðamenn. 

Hvers vegna fullyrði ég þetta? Jú, af þremur einföldum ástæðum.

  1. Kostnaður vegna gjaldtökunnar er alltaf forgangsatriði. Hann er ekki endilega hlutfallslegur af hverjum aðgangseyri heldur ræðst af þeim sem rukkar og hversu mikið hann leggi í rukkunina.
  2. Möguleikar á svindli verða mjög miklir. Kostnaður einkaaðila jafnt sem opinbers aðila gæti verið 99% af verði aðgöngumiðans, það er innheimtan er orðin að atvinnubótavinnu eða tekjum sem renna jafnvel skattfrjálst í vasann.
  3. Útilokað er að ganga úr skugga um að rétt sé farið með tekjur af aðgangseyrinum og meiri líkur ein minni að hann verði einfaldlega notaður sem féþúfa.
Við fyrstu sýn kann gjaldtaka að vera fýsilegur kostur ekki síst fyrir þá sökþjóðgarðarnir og vinsælir ferðamannastaðir hafa yfirleitt verið afgangsstærð og hvorki Alþingi néframkvæmdavaldið skipt sér mikið af þeim. Ágangur ferðamanna hefur víða valdið því að þeir hafa glataðhluta af aðdráttaraflinu sem í upphafi var áhugi að byggja upp.

Lítið fjármagn í umhverfismál 

Fjármagn hefur víða sárlegavantað i til að byggja upp og viðhalda göngustígakerfiog ýmiskonar annari þjónustu. Þess ber þó að geta að nú þegar er tekið hóflegtgjald af gestum í þjóðgörðunum, þ.e. gistigjald og jafnvel viðdvalargjald endaeru það slíkir gestir sem ferðast mest. Þetta fé er notað til að veita þjónust sem kalla má beina þjónustu, tjaldsvæði, snyrtiaðstöðu og upplýsingamiðlun. Hin óbeina þjónusta hefur víðast setið á hakanum.

Gönguleiðir geta stórskemmt landið 

Eftir því sem ferðamönnum hefur fjölgað hér á landi,íslenskum sem erlendum, hafa gönguleiðir látið stórlega á sjá. Þeim mun fleirisem nýta sér merktar gönguleiðir þeim mun meira slitna gönguleiðirnar. Þærgrafast niður og í rigningartíð sækir í þær vatn og við það grafast þær ennmeira niður og verða göngumönnum erfiðar. Þeir færa sig þá til og annargöngustígur myndast við hlið þess gamla og sagan endurtekur sig.

Nú er svo komið að alvarlegar skemmdir hafa orðið á ýmsumnáttúruperlum víða um land vegna ágangs ferðamanna og viðhaldsleysi ágöngustígum. Nefna má fjölmarga staði utan þjóðgarða: Gönguleiðir í Goðalandiog Þórsmörk, gönguleiðina yfir Fimmvörðuháls, göngustígana upp á Þverfellshorni í Esju, göngustíginná Vífilsfell, gönguleiðir í Lakagígum, nokkrir gönguleggir á Hornströndum,gönguleiðir í kringum Landmannalaugar, gönguleiðir við Veiðivötn og leggir áhinni vinsælu gönguleið milli Landmannalauga og Þórsmerkur liggja undirstórskemmdum. Fleiri svæði mætti nefna.

Upp með veskið 

Ólíklegt er ferðamennhagnist á gjaldtöku inn í Dimmuborgir. Verður þá vart stigið niður fæti fyrir rukkurum afýmsu tagi. Hugmyndaríkir landeigendur eða umsjónarmenn landa geta þá séð auðsinn vaxa af almennum viðdvalargjöldum, myndatökugjaldi, akvegagjaldi og ýmsumfleiri gjöldum. Ótal dæmi eru um einhliða gjöld þar sem ekkert kemur í staðinn.  

Ríkissjóður heimtar virðisaukaskatt af viðskiptum fólks. Stór hluti hans verður til af ferðum fólks um landið. Ríkisvaldinu er því engin vorkun að leggja hluta af þessum fjármunum í lagfæringu á vinsælum ferðamannastöðum eins og Dimmuborgum.     


mbl.is Íhuga gjaldtöku í Dimmuborgum
Tilkynna um óviðeigandi tengingu við frétt

Tollstjórinn sér ekki fólkið á bak við kennitölurnar

Tollstjórinn í Reykjavík er eitt ógeðfelldasta embætti ríkisins. Vinnureglurnar virðast vera þær að valda almenningi sem mestu vandamálum. Einfalt verklag virðist ekki fyrirfinnast þarna innan dyra. „Viðskiptavinirnir“ virðast álitnir glæpamenn.

Hvers vegna að gera hlutina einfalda þegar hægt er að gera þá flókna og valda almenningi vandamálum og leiðindum? Þannig hlýtur Snorri Olsen tollstjóri að leggja línurnar.

Greiðsluaðlögun er aðferð til að brjóta skuldara niður og geirnegla hagsmuni ríkissjóðs. Hún er aðferð sem mafían gæti verið fullsæmd af. 

  • Dæmi: Maður skuldar skatta vegna áætlunar eða endurálagningar. Í átta mánuði hefur hann greitt af láninu, sömu fjárhæðina og sér fram á að klára skuldina innan árs.
Skyndilega er skuldin sett í fjárnám. Ekkert tillit er tekið til forsögu málsins. Hinn illræmda lögfræðideild embættisins hefur enn og aftur í heiðri stefnuyfirlýsingu Snorra Ólsen, tollstjóra. 
  • Skuldarinn fær tvo kosti: Annað hvort greiðir hann skuldina eða mætir í fjárnámið!

 Er þetta nú sú aðgerð sem ríkisstjórnin á við þegar hún gaf í vor út þá yfirlýsingu að innheimtumenn ríkissjóðs ættu að starfa eftir? 

  • Annað dæmi: Maður skuldar skatta vegna áætlunar eða endurálagningar. Hann greiðir ekkert af láninu og skiptir sér ekkert af því.

Af alkunnri vinnugleði rekur lögfræðideild tollstjórans augun í málið og gerir ráðstafanir.

  • Skuldarinn fær tvo kosti: Annað hvort greiðir hann skuldina eða mætir í fjárnámið!

Af þessum tveimur dæmum er ljóst að skuldarar eru allir skíthælar og þá ber að meðhöndla sem slíka. Þannig vinnur Snorri Olsen og undirsátar hans hjá hinu undarlega embætti Tollstjórans. Þeir sjá ekki fólkið á bak við kennitölurnar en skýlir sér t.d. á bak við orð eins og „greiðsluáætlun“ sem er afar þungbær og íþyngjandi gjörningur fyrir þá sem ekki eiga annars úrkosta. 

Ég gæti komið með fjölda dæma um meðhöndlun Tollstjórans á skuldurum, fyrirtækjum sem og einstaklingum. Flestir þekkja þessi dæmi. 

Eitt annað. Hefur fólk séð bréf frá embættinu? Þar er kerfiskallinn Parkinson sko aldeilis í essinu sínu. Í flestum tilvikum eru þetta illskiljanlegar yfirlýsingar á tölvumáli og uppsett á þann hátt sem hentar tölvuforriti fyrirtækisins. Ekki er gerð tilraun til að hanna útlitið bréfa á þann hátt að tilkynningarnar séu upplýsandi og hvetjandi. Og ekki dettur Snorra Parkinson að fara að dæmi kollega síns Ríkisskattstjórans. Laga til og hreinsa og gera embættið neytendavænt.

Ég er að hugsa um að stofna stjórnmálaflokk, komast á Alþingi, verða fjármálaráðherra og reka Snorra og breyta embætti Tollstjórans, helst leggja það niður.

Skilurðu það sem hér er sagt, Snorri Olsen? Nei, auðvitað er þetta allt öðru vísi frá þínum sjónarhóli. Tómur misskilningur af minni hálfu og hvernig má það vera að almenningur hafi rétt fyrir sér? 

 


mbl.is 350 í greiðsluáætlun á síðasta ári
Tilkynna um óviðeigandi tengingu við frétt

Ríkisstjórnin notar tímann til að aga þingmenn sína

Það er ekki eins mikill bógur í ríkisstjórninni og ég hélt. Hún er að gugna. Röksemdir Sjálfstæðisflokksins og Framsóknarflokksins virðast hafa náð eyrum nokkurra stjórnarþingmanna og því er það mat Jóhönnu og Steingríms að Icesave samningurinn njóti ekki öruggs meirihluta.

Auðvitað semur ríkisstjórnin við stjórnarandstöðuna um að fresta hefðbundnu. Þar með gefst  tækifæri til að herða þumalskrúfurnar á þingmönnum ríkisstjórnarflokkanna.

Um leið og Jóhanna og Steingrímur taka á agavandamálum innan þingflokka sinna koma á skrýtnari fletir upp á borðið.

Undarlegast er að Íslendingum er gert að greiða lögfræðiskostnað Breta vegna Iceave. Það er svipað eins og við hefðum þurft að greiða fyrir rekstur herskipanna sem send voru á Íslandsmið í þorskastríðunum.

Toppar þetta ekki allt?

Staðreyndin er hins vegar þessi: Því lakar sem þjóðinni gengur að koma lífi í efnahaginn því ver eru ríkið í stakk búið til að efna skuldbindingar sínar um bankaábyrgð.

Gallinn er sá að hér er ekki um að ræða hugsanlega hringrás heldur spítal sem liggur niður á við með vaxandi hraða, knúinn af Icesave. 


mbl.is Hlé gert á störfum þingsins
Tilkynna um óviðeigandi tengingu við frétt

Herkænska skötuhjúanna

Hárrétt herkænska hjá þeim skötuhjúum, Jóhönnu og Steingrími, að hafna allri málamiðlun og fyrirvörum. Þannig tala þeir aðeins sem valdið hafa og valdið er vissulega þeirra.

Ríkisstjórnin hefur veðjað á þennan Icesave samningnum. Það væri pólitískt glapræði að viðurkenna nokkurn vankanta á honum. Og nákvæmlega eins og með þingsályktunartillöguna um aðildarumsókn í ESB þá verður Icesave samningurinn samþykktur. Ríkisstjórn sem ekki hefur stjórn á þingmönnum sínum er gagnslaus og vilji svo ólíklega til að samningurinn verði felldur þá er stjórnin sprungin.

Það vekur þó athygli hve fjölmiðlar ræða lítið um einstaka stjórnarþingmenn og hálfstjrónarþingmenn, þá sem mest göspruðu fyrir kosningar og náðu kosningu í prófkjörum fyrir andstöðu sína og málflutning. Nú þegja þessir þingmenn þunnu hljóði eða snúa sig niður úr snörunni með klækjum. Jafnvel ráðherra viðskiptamála er orðinn mesti kerfiskarlinn af þeim öllum.

Ég spái stjórnarslitum og þjóðstjórn. Oft er þörf nú er nauðsyn. Þetta gengur ekki svona miklu lengur. 


mbl.is Hvorki fyrirvarar né frestun
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband