Okurbúllan Orkuveitan Reykjavíkur

Orkuveita Reykjaðvíkur hefur okrað á viðskiptavinum sínum. Að öðrum kosti hefði fyrirtækið ekki getað fjármagnað bull eins og risarækjueldi, Línunet og byggingu á lúxushöll í Árbænum.

Líklega kemur það engum á óvart að borgarfulltrúar Sjálfstæðisflokksins kvarti hástöfum undan forstjóra Orkuveitunnar þegar hann ætlaði að hirða samþykki þeirra við sameiningu dótturfyrirtækisins Reykjavik Energy Invest við Geysir Green Energy svona rétt eins og álit þeirra skipti engu máli. Jafnvel Björn Bjarnason, dómsmálaráðherra, getur um það á heimasíðu sinni að honum hafi alltaf gengið erfiðlega að sækja upplýsingar í hendur stjórnenda Orkuveitunnar. Björn undrast að ekkert skuli hafa breyst með nýjum borgarstjórnarmeirihluta.

Nú væri lag að eigendur Orkuveitunnar reyndu að ná sér í nokkur prik með því að endurgreiða  ofgreidd afnotagjöld með því að senda almenningi hlutabréf í Reykjavik Energy Ingvest.

Kæmi þá í hlut hvers Reykvíkings kr. 79.502 eða 107.128 sé miðað við 20 ára og eldri.

Akurnesingurinn myndi fá 88.226 krónur (127.079 kr) og íbúinn í Borgarbyggð 26.853 krónur (38.805 kr). Að sjálfsgöðu er hér reiknað út frá hlutfallslegri eign hvers sveitarfélags í Orkuveitunni og hún yfirfærð á REI. 

Auðvitað verður þetta ekki gert. Til þess skortir pólitískan kjark. Alltaf erfitt að skila ofteknu fé.

 

Huglægir mælikvarðar

Munum að maðurinn taldist ekki hafa brotið gegn náttúruverndarlögum heldur fékk hann dóm fyrir að aka á óskráðu vélhjóli.

Setjum nú sem svo að maður aki yfir á rauðu ljósi og lögreglan standi hann að verki, eins og hún gerir oft. Getur hann þá borið því við að hann hafi engum spjöllum valdið og sloppið þannig við sekt?

Nei, alveg örugglega ekki.

Hvernig stendur á því að samkvæmt umferðalögum er engin miskunn gefin en samkvæmt náttúruverndarlögum fer refsingin eftir einhverjum huglægum mælikvörðum. Og hvenær brýtur maður lög og hvenær brýtur maður ekki lög? svo snúið sé út úr orðum Jóns Hreggviðssonar.

Gangnaforingi á mótorhjóli braut ekki gegn náttúruverndarlögum