Gert er ráð fyrir að flensan stökkbreytist

Heilbrigðisyfirvöld telja greinilega gríðarlega mikla ógn stafa af svínaflensunni nái hún að stökkbreytast, sem verður að telja afar líklegt.

Viðbúnaðurinn er slíkur að hann getur ekki talist nein æfing. Af öllu má ráða að mikið mannfall verið í haust, vetur og fram á næsta ár vegna stökkbreyttrar svínaflensu. Örvæntingin er svo mikil að framleidd eru í gríðarlegum mæli bóluefni sem þó eru afar litlar líkur á að gagnist gegn væntanlegum faraldri.

Svo er það stóra spurningin, hvenær verður flensa að stórhættulegum faraldri. Að öllum líkindum sést það ekki fyrr en allt of seint. Þá er ekkert eftir af viðbragðsáætlunum nema halda uppi lög og reglu og gera það besta í ástandinu fyrir sjúklinga og aðstandendur. Svo máttlaust er nú mannkynið þrátt fyrir alla þekkingu á mannslíkamanum.

 

 

 

Heimsbyggðin öll í hættu

Athugasemdir

[Svanur Sigurbjörnsson, 28.7.2009 kl. 11:45]

Sæll

Hefur þú eitthvað fyrir þér í því að telja það "afar líklegt" að svínaflensuveiran stökkbreytist?  Hvers vegna talarðu um "örvæntingu"?  Það er framleitt bóluefni á hverju ári fyrir alla flensufaraldra.  Komið hefur í ljós að þessi flensa er ekki mikið skæðari en þær venjubundnu.  Það er ábyrgðarhluti að skrifa um heilbrigðismál og þó að þú sért ekki heilbrigðisstarfsmaður, þá er ekki gott að þú komir fram með svartsýnistilgátur sem geta gert fólk hrætt og of áhyggjufullt. 

Kveðja - Svanur Sigurbjörnsson læknir

[hilmar jónsson, 28.7.2009 kl. 11:55]

Já til hvers blogga menn á þennan hátt ?