Faraldurinn er rétt að byrja

Framtíðarhorfum í efnahagsmálum eru afar slæmar vegna Covid-19 faraldursins. Hvorki hér á landi né erlendis hefur hann enn náð mikill útbreiðslu, raunar er langt þangað til. Þetta byggi ég meðal annars á meðfylgjandi súluriti og gögnum sem liggja að baki og er öllum aðgengileg.

Ýmsir aðilar fylgjast nákvæmlega með útbreiðslunni og birta jafnóðum gögn um hana. Ég hef skráð hjá mér helstu upplýsingar og hér eru tvö súlurit sem eru alþjóðleg.

Í stuttu máli sýnir hið efra hlutfallslega breytingar. Tvær súlur fylgjast að, önnur sýnir fjölgun smitaðra, hlutfallsleg fjölgun frá 11. mars, og hin fjölgun látinna sem hlutfall af smituðum. Græna súlan sýnir þá sem hafa læknast af veikindum, hlutfall af smituðum.

Þetta þýðir á einföldu máli að faraldurinn er enn í örum vexti.

Vel má vera að það eina sem er marktækt sé fjöldi látinna. Vandinn er hins vegar sá að víða kunna skráningar að vera í skötulíki. Í fámenningu hér á landi er auðvelt að safna upplýsingum. 

Gagnslítið er að bera saman smit miðað við fjölda íbúa. Í Vatíkaninu búa 800 manns og þar er einn smitaður, 0,13% íbúa. Í San Marino, smáríki innan Ítalíu, eru 144 smitaðir, 0,42%. Hér á landi er hlutfallið 0,14%. 

Mér finnst skynsamlegra að bera saman hlutfall smitaðra í fjölmennari ríkjum. Þá kemur ýmislegt forvitnilegt í ljós eins og sjá má á súluritinu. Á því sjáum við brotalamirnar, óskráða útbreiðslu faraldursins.

Mest smit eru í fjölmennustu Evrópulöndunum, Þýskalandi, Frakklandi, Ítalíu og Spáni og eru súlurnar rauðlitaðar. Sama er með Íran og Suður Kóreu. Allt þetta virðist fremur trúverðugt.

Hvað þá með hin löndin, sérstaklega þau svartlituðu. Bandaríkin, Bretland, Pólland, Kanada og jafnvel Tyrkland og Rússland? Þau eru ekki lokuð eins og Norður Kórea þar sem enginn er sagður hafa smitast. Líkur benda til að þarna sé öll skráning í kalda koli. Covid-19 veiran grasserar líklega í þessum löndum án þess að yfirvöld hafi neina stjórn á útbreiðslunni eða voru alltof sein að bregðast við. Tölurnar eru alls ekki trúverðugar og hljóta beinlínis að vera rangar. Covid-19 faraldurinn er því verri en uppgefnar tölur gefa til kynna.

Þegar þetta er skrifað er sagt að um 312 þúsund manns séu smitaðir. Getur verið að þeir séu tvisvar sinnum fleiri, tíu sinnum fleiri ...?

Setjum nú sem svo að við Íslendingar náum stjórn á faraldrinum og hann hreinlega hætti. Haldi faraldurinn halda áfram að geysa í Evrópu og Norður Ameríku með öllum þeim neikvæðu áhrifum sem fylgja erum við ekkert sérstaklega vel sett. Efnahagslíf hér á landi mun ekkert lagast þó faraldrinum linni.

Efnahagsleg áhrif munu verða mjög alvarleg, líklega í eitt ár eða lengur. Erfitt kann að vera fyrir okkur að selja helstu framleiðsluafurðir og um leið kann að reynast erfitt að kaupa helstu vörur til neyslu hér innanlands. Alvarlegast verður þó skortur á matvælum og olíu. Helstu matvælaframleiðslulönd heimsins munu eiga afar erfitt með að sinna framleiðslu og útflutningi.

Þetta eru ekki góðar framtíðarhorfur. Þegar loksins sér fyrir endann á faraldrinum úti í honum stóra heimi tekur langan tíma að koma hjólum atvinnulífsins í gang? Gerist það bara si svona að þjóðir taki aftur upp þráðinn og rétt eins og ekkert hafi í skorist? 

Nei, ég held að þegar faraldrinum loksins linni muni þjóðir heims ekki treysta á hverja aðra og taki að framleiða matvæli fyrir eigið fólk, tryggi matvælaöryggi sitt.

Hvernig ætlum við að tryggja matvælöryggi þjóðarinna, aðgang hennar að nægum mat?

Auðvitað vonar maður að þetta svartsýnisraus verði ekki raunin en hversu langvinnur verður faraldurinn og hversu lengi er atvinnulíf heimsins að komast í gang þá loks honum linnir?

Athugasemdir

[Þorsteinn Siglaugsson, 22.3.2020 kl. 16:04]

Við höfum litla hugmynd um hver fjöldi smitaðra er. Í flestum löndum er sýni aðeins tekið af þeim sem hafa einkenni, og gjarna aðeins hluta þeirra. Annars staðar eru sýni tekin einnig af þeim sem hafa umgengist fólk með einkenni.

Í Þýskalandi er dánarhlutfallið (látnir/greindir) 0,3%. Og samt eru örugglega miklu fleiri smitaðir en hafa verið greindir. Meðan ÍE voru enn að skima bentu þeirra tölur til að um 1% landsmanna væru smitaðir, um 3.600 manns. Það merkir að þáverandi greiningar voru 1/14 af raunverulegum fjölda smita.

Kæmi ekki á óvart að þegar þetta verður afstaðið komi á daginn að hér hafi verið um einkar mikilfenglega sjálfsmorðsárás á efnahagslíf heimsins að ræða, án þess að neinar forsendur væru fyrir henni.

[Halldór Egill Guðnason, 23.3.2020 kl. 00:54]

 Tölfræði yfirvalda er komin út í skurð. Það er ekkert að marka lengur, því miður. 

 Eins góðar stundir og hægt er, með kveðju að sunnan.