Kjartan er leiðtoginn í borgarstjórn

Einn af þeim stjórnmálamönnum sem ég ber hvað mesta virðingu fyrir er Kjartan Magnússon, borgarstjórnarfulltrúi Sjálfstæðisflokksins. Hann tekur núna þátt í leiðtogakjöri flokksins og vil ég nota þennan vettvang til að mæla með honum.

Kjartan er heiðarlegur maður, duglegur og fylginn sér. Hann hefur yfirgripsmeiri þekkingu á borgarmálum en nokkur annar sem ég þekki enda setið í borgarstjórn frá árinu 1999.

Ég hef oft leitað til Kjartan vegna ýmissa mála, fyrst og fremst til að afla mér upplýsinga. Hann er greiðvikinn og hjálpar umsvifalaust. 

Ég vil hvetja alla Sjálfstæðismenn í Reykjavík til að greiða atkvæði í leiðtogakjörinu á laugardaginn og setja Kjartan í fyrsta sæti.

Við þurfum stefnufasta menn í borgarstjórn. Kjartan er slíkur maður, hann hefur vissulega ákveðnar skoðanir en hefur aldrei brugðist stefnumálum Sjálfstæðisflokksins. Munum að hann var í öðru sæti á listanum 2014 en með samstilltu átaki verður hann leiðtoginn.

Athugasemdir

[Helgi Jónsson (IP-tala skráð) 26.1.2018 kl. 13:45]

Fáum stöðumælavörðinn sem borgarstjóra.

[Sigurður Kristján Hjaltested, 27.1.2018 kl. 23:54]

Er það ávísun um það, að menn séu betri eftir langa

legu í borgarstjórn...??

Það er frekar staðfesting á öðru.

Hef ekki séð neitt athyglisvert, áhugavert,

hvað þá eitthvert frumkvæði frá þessum manni

sem kæmi borgarbúum til góða.

Gott að sitja og þiggja laun fyrir ekkert.

Ef hann er svona góður Sigurður, af hverju 

er hann ekki löngu fyrr kominn framm sem leiðtogi.??

17 ár, og allt í einu á hann að vera leiðtogi..!!!

Sorrí, sé ekki fyrir mér hann sem leiðtoga.