Ríkisstjórnin klýfur þjóðina í öllum málum

Vinstri grænir og Samfylkingin vita að í næstu kosningum til Alþingis munu þeir ekki ná meirihlutafylgi til að mynda ríkisstjórn. Það er ein skýring á þeirri stefnu núverandi ríkisstjórnar að láta sverfa til stáls í öllum mögulegum málum. Hin er sú að ríkisstjórnarmeirihlutinn kunni hreinlega ekki betur.

Um þetta segir Vilhjálmur A. Kjartansson, blaðamaður á Morgunblaðinu (feitletranir greinaskil eru mínar):

Það er líka óumflýjanlegt að ósætti verið um menn og málefni í lýðræðislegu samfélagi þar sem ólíkar stefnur keppa um hylli kjósenda.

Hins vegar verða stjórnmálamenn að spyrja sig hvort heppilegt sé að kljúfa þjóðina í hverju málinu á fætur öðru.

Er heppilegt að halda til streitu umsókn í Evrópusambandið þegar 2/3 þjóðarinnar eru andvíg aðild?

Er skynsamlegt að gera atlögu að undirstöðuatvinnuvegum þjóðarinnar svo sem ferðaþjónustu og sjávarútvegi í miðri kreppu?

Er siðsamlegt að gera það sem ekki verður ekki lýst með öðrum hætti en pólitískum ofsóknum gegn fyrrverandi forsætisráðherra, Geir H. Haarde, og draga hann fyrir Landsdóm?

Og hvers vegna að gera grundvallalög landsins, sjálfa stjórnarskrá Íslands, að þrætuepli?

Geta ekki allir tekið undir þetta? 

Athugasemdir

[Hjálmtýr V Heiðdal, 26.10.2012 kl. 11:10]

Ertu ekki að rugla saman þjóðinni og Sjálfstæðisflokknum?

[S i g u r ð u r S i g u r ð a r s o n, 26.10.2012 kl. 11:14]

Nei, Týri, vinur minn. Ríkisstjórnin hefur vaðið yfir þjóðina á skítugum útiskónum eins og glögglega má sjá í grein vilhjálms í Mogganum. Ég veit þú lest hann í laumi ... ;-)

[Hjálmtýr V Heiðdal, 26.10.2012 kl. 11:38]

Ég les ekki Moggann í laumi - ég les hann þegar ég kemst í hann hjá vinum og vandræðamönnum. Er þessi Vilhjálmur einhver Stóridómur? En annars allt á réttu róli.

[S i g u r ð u r S i g u r ð a r s o n, 26.10.2012 kl. 11:40]

Fyrirgefðu, held að þú sért laumuáskrifandi að Mogganum. Já Vilhjálmur er afskaplega réttsýnn maður. Nei er svarið við síðustu spurningunni.