Ritum nafn okkar á kjosum.is

Ég hef ritað nafn mitt á undirskriftarlistann á vefnum kjosum.is. Ég hvet þá sem þetta lesa að hafna Icesave samningnum og rita nafn sitt á listann.

Hratt fjölgar þeim sem vilja hvetja Alþingi til að hafna frumvarpi um ríkisábyrgð vegna Icesave reikninga Landsbankans. Nú eru skráðir þátttakendur orðnir rúmlega 21.000. Fari svo að frumvarpið verði að lögum er skorað á forseta landsins að neita að staðfesta það. Þar með er því vísað í þjóðaratkvæðagreiðslu.

Rökin fyrir afstöðu minni eru einfaldlega þau að þjóðin ber ekki ábyrgð á hrakförum Landsbankans í Bretlandi og Hollandi.

Ábyrgðina bera eigendur og stjórnendur bankans og eignir hans eiga að standa undir skaðanum svo langt sem að þær duga.

Afgangurinn er tap Breta og Hollendinga sem einhliða ákváðu að greiða skaðabætur til eigenda sparifjár í Landsbankanum.

Athugasemdir

[Rafn Haraldur Sigurðsson (IP-tala skráð) 15.2.2011 kl. 19:01]

Búinn að kjósa einnig fékk ég tvo í vinnunni til að kjósa á I padinum mínum. Þegar þeir kusu voru 27000 búnir að kjósa og á meðan ég skráði þann seinni þá hafði fjölgað um 9 manns.

[Rafn Haraldur Sigurðsson (IP-tala skráð) 15.2.2011 kl. 19:06]

Fyrirgefðu það voru víst ca. 22700

[Flosi Kristjánsson, 15.2.2011 kl. 20:38]

Hefur ekki Pétur Blöndal þingmaður fengið samþykkta tillögu um að frumvarpið, sem hann metur sigurstranglegt, verði að samþykkt lokinni borið undir þjóðaratkvæði? Með því að samþykkja slíkt eru flytjendur og fylgismenn að taka nokkra áhættu, en þeir meta stöðuna þá væntanlega svo, að líkurnar séu meiri en minni fyrir því að alþýða manna samþykki það sem Alþingi samþykkir.

Gerist það hins vegar ekki og frumvarpið verði fellt í þjóðaratkvæði, þarf að leysa upp Alþingi og boða til kosninga. Skilyrði fyrir framboði þyrftu meðal annars að vera að frambjóðendur væru heiðarlegir, velviljaðir og kynnu algenga mannasiði :-)

[S i g u r ð u r S i g u r ð a r s o n, 15.2.2011 kl. 20:39]

Ah, varð allt í einu ofurbjartsýnn.