Hryðjuverk gegn lýðræðinu

Vefsíðan kjosa.is er lýðræðislegt verkfæri þeirra sem eru á annarri skoðun en meirihluti á Alþingi. Sé rétt að ráðist hafi verið á síðuna er hér um hryðjuverk að ræða. Tilraun til að koma í veg fyrir að almenningur fái að tjá sig. Að öllum líkindum eiga hér hlut að verki lýður sem er hlyntur Icesave samningunum og á móti því að efnt verði til þjóðaratkvæðagreiðslu um málið.

Að sjálfsögðu ber lögreglu að rannsaka málið og upplýsa það sem allra fyrst. 


mbl.is Árásir á vefsíðu tilkynntar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

http://www.dv.is/blogg/eimreidin/2011/2/16/omarktaek-undirskriftasofnun/

Þessa blogg rak ég augun í og greinilegt er að viðkomandi virðist játa þar að gera sitt til að valda vandræðum.

(IP-tala skráð) 16.2.2011 kl. 15:09

2 Smámynd: S i g u r ð u r   S i g u r ð a r s o n

Við getum auðveldlega misnotað ýmislegt, en það er líka nauðsynlegt að þeir sem standa að síðunni kjosum.is geri hana þannig úr garði að hún sé áreiðanleg.

S i g u r ð u r S i g u r ð a r s o n, 16.2.2011 kl. 15:16

3 Smámynd: corvus corax

Við viljum fá nöfnin á þeim sem standa fyrir þessum árásum!

corvus corax, 16.2.2011 kl. 15:22

4 identicon

Það er því miður hægt að svindla á öllu sem viðkemur tölvum ef vilji er fyrir hendi, en það er auðvitað bara óheiðarlegt fólk sem gerir slíkt. Fjármálaheiminum já og reyndar nokkrum fleirum ef maður lítur til þingheims virðist vera mikið í mun að þjóðin fái ekki að hafa neitt um þetta að segja og eru tilbúnir í hvað sem er til að afstýra því.

Það er ekkert sem penginga og fjármálaöfl heimsins óttast meira núna en íslenska þjóðin. Þetta varðar nefnilega ekki bara okkur þegar upp er staðið, þetta mun skapa fordæmi þess efnis að fjárglæpamenn geta ekki í framtíðinni velt tapi sínu yfir á almenning hvort sem það er hér eða erlendis.

(IP-tala skráð) 16.2.2011 kl. 15:57

5 Smámynd: Guðmundur Ásgeirsson

Sigurður: síðan er áreiðanleg og hefur verið yfirfarin af öryggisráðgjafa. En alveg eins og hægt er að tepa Miklabrautina ef nógu margir leggja bílunum sínum þar á sama tíma, þá er líka hægt að trufla netumferð.

Það hefur sem betur fer ekkert tjón orðið, nema rekstrartruflun af völdum þessara árása. Undirskriftalistinn sjálfur er öruggur og óskaddaður.

Síðan er virk í augnablikinu en einhverjir hnökrar eru á eðlilegu umferðarflæði. Við biðjum fólk að sýna þolinmæði, undirskriftasöfnuninni er engin hætta búin, hún heldur áfram þrátt fyrir þetta.

corvus: Þar sem málið hefur verið tilkynnt til lögreglu munu aðstandendur síðunnar ekki tjá sig um málsatvik að svo stöddu nema sem lýtur að ásigkomulagi síðunnar sjálfrar. 

Guðmundur Ásgeirsson, 16.2.2011 kl. 16:09

6 Smámynd: S i g u r ð u r   S i g u r ð a r s o n

Gott að vita, Guðmundur. Nú hafa 33.000 manns skráð sig og þeim á eftir að fjölga mikið næsta sólarhring. Spái að 50.000 undirskriftir verði afhentar forseta Íslands í vikunni.

S i g u r ð u r S i g u r ð a r s o n, 16.2.2011 kl. 16:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband