En ef bankarnir greiði fyrir Icesave ...

Látum bankanna greiða hina meintu skuld sem kennd er við Icesave. Ætli það myndi nú ekki heyrast annað hljóð úr horni Íslandsbanka ef það yrði raunin. Í sannleika sagt er þetta miklu betri lausn en sú að leggja Icesave byrðarnar sem skatt ofan á þrautpíndann almenning sem ekkert hefur til saka unnið.

Er þetta annars ekki kunnuglegt orðalag að samþykktin „muni marka tímamót í endurreisn íslensks efnahagslífs eftir hrun.“? Var þetta ekki annars sagt þegar þröngva átti síðasta Icesave samningi upp á þjóðina?

Segir samþykkt Icesave muni marka tímamót

Athugasemdir

[Gullvagninn (IP-tala skráð) 15.2.2011 kl. 12:03]

Hvers vegna ætti nokkur að taka mark á þessum greiningadeildum?  Var ekki komið á hreint að þær eru PR deildir, auglýsingastofur bankanna?

Annars er ég sammála, ef icesave fer í gegn, þá markar það tímamót.  Á sama hátt og aðrar hamfarir geta markað tímamót.

[Guðmundur Ásgeirsson, 15.2.2011 kl. 15:23]

Hugmyndin hljómar voða vel. Hættan er hinsvegar sú að ef bankarnir verði skattlagðir fyrir þessu muni þeir einfaldlega finna leið til að velta þeim kostnaði yfir á viðskiptavinina: íslenska skattgreiðendur.

[S i g u r ð u r S i g u r ð a r s o n, 15.2.2011 kl. 15:31]

Auðvitað er þetta rétt hjá þér, Guðmundur. Hins vegar er ég afskaplega óánægður með ánægju Íslandsbanka með að almenningur þurfi að blæða vegna gjaldþrots fjármálastofnunar. Heldurðu að ánægja Íslandsbanka myndi ekki fljótt hjaðna ef bankastofnanir þyrftu að borga fyrir Icesave?