Kuldabrestir aðeins á Mýrdalsjökli

Ekki dreg ég í efa að kuldabrestir mælast í jarðskjálftamælum á og við Mýrdalsjökul og Eyjafjallajökul. Tvennt vekur þó athygli mína.

Hið fyrra er að stór hluti jarðskjálfta á þessum slóðum eru dýpri en svo að veðurfars gæti. Þó leikmaður sé, finnst mér ótrúlegt að skjálftar sem mælast dýpri en 500 m séu af völdum kuldans. En auðvitað get ég haft rangt fyrir mér en varla ef dýpið er enn meira, segjum einn kílómetri.

Hitt vekur ekki síður athygli mína að kuldabrestir mælist aðeins á áðurnefndum tveimur jöklum. Ekki mælast þeir í sama fjölda á Vatnajökli eða Langjökli. Kuldinn er um allt land. 

Kuldabrestir á skjálftamælum

Athugasemdir

[Emil Hannes Valgeirsson, 6.1.2011 kl. 16:34]

Ég var að velta þessu sama fyrir mér. Það kemur þó fram að staðsetning og kannski dýpi skjálftana er óviss og ánákvæm. Sjáum til hvað gerist í framhaldinu.

[Jóhannes Reykdal, 6.1.2011 kl. 16:54]

Aðrir jöklar hafa ekki þéttriðið net skjálftamæla umhverfis sig.

[Guðrún María Óskarsdóttir., 7.1.2011 kl. 00:40]

Sammála.

kv.Guðrún María.