Kærum frekar lögregluna fyrir sóðaskap

Engin ástæða er til að „rannsaka“ þá sem stóðu að Top Gear þættinum. Engar skemmdir urðu á landi en við fengum ágæta auglýsingu út á þáttinn jafnvel þó hann væri uppfullur af bölvaðri vitleysu.

Ef eitthvað ætti að rannsaka þá væri það notkun lögreglu á svokölluðum lögregluborðum, þessum gulu borðum sem notaðir eru til að takmarka umferð fólks um vetvang glæpa og gos á Fimmvörðuhálsi. Enn má finna þá Hálsinum.

Löggan var nefnilega ansi hreint dugleg að loka þar svæðum með borðunum en gleymdi að taka þá til baka, rétt eins og unglingarnir sem skilja eftir rusl og plastpoka á útihátíðum.

Meðfylgjandi mynd er af einum rúmlega metrslöngum bút af lögregluborða föstum í hraunjaðri á Fimmvörðuhálsi. Kannski hafði hann fokið þangað.

Gæti verið að lögreglan hafi ætlað að stöðva hraunrennslið með borðanum?

Annar staðar sá ég langar bendur af borðum en nennti ekki að fara þangað til að taka mynd.

Því segi ég, látum rannsaka aðgerðir lögreglunnar á Fimmvörðuhálsi meðan á gosinu þar stóð og gefum í kjölfarið út ákæru á hendur valdstjórninni fyrir ósæmilega notkun á lögregluborðum og sóðaskap.

Svo má fastlega búast við því að að ríkisstjórnin breyti dómnum -  hún er vön slíku núorðið. 

Aðgerðir lögreglu á Hálsinum höfðu ekkert að segja en Top Gear liðið kemur þó enn að gagni.

 

Löggan skoðar Top-gear

Athugasemdir

[Óskar Þorkelsson, 3.7.2010 kl. 10:31]

sammála þér

[Árni Þór Björnsson, 3.7.2010 kl. 10:41]

Skammarleg viðbrögð. Þatta eykur enn á þá trú manna að lögregluliðið sé greindarskert.

Þvílík vitleysa. Nær væri að þakka fyrir landkynninguna.

[Guðmundur Ásgeirsson, 3.7.2010 kl. 14:30]

Góður pistill og skemmtilegur!

[Hannes Baldursson, 3.7.2010 kl. 21:47]

Lögreglumenn geta svo sannarlega verið greindarskertir en ég verð eiginlega að taka upp hanskann fyrir lögregluna í þessu tilviki því það var Umhverfisstofnun sem fór fram á að þetta yrði rannsaka og Lögreglunni ber þar af leiðandi að rannsaka hvort um lögbrot sé að ræða hvort sem þeim líkar betur eða verr.

Annars skil ég ekki alveg hvers vegna það var beðið um rannsókn... skemmdu þeir allan gróðurinn undir nýja hrauninu eða öskunni?

Miklu frekar að láta Lögregluna nýta tímann til að hreinsa eftir sjálfa sig, eins og þú sagðir.

[Sigurður Haraldsson, 4.7.2010 kl. 00:35]

Ef ég hefði séð þetta rusl þá hefði ég tekið það með mér til byggða!