Mótmælin að þynnast út í pólitík

Með þessari uppákomu dvínaði heldur virðing mín fyrir Herði Torfasyni. Get ekki með nokkru móti séð hvernig hann getur tengt dómsmálaráðherra við fall Glitnis og þaðan af síður krafist afsagnar hans.

Annars er ánægjulegt að sjá hvernig Vinstri grænir skemmta sér og að þeir hafi hið forna merki sósíalista í hávegum. Og enn skemmtilegar er að sá hvað sumir taka sig alvarlega og hylja andlit sín. Það vekur alla vega spekúlasjónir og vangaveltur rétt eins og í spurningakeppnum.

Ekki geri ég ráð fyrir því að þessi hafi verið þverpólitískur.

Mér sýnist á öllu á góð mótmælaherferð sé að þynnast út í einhliða pólitískan áróður fólks á vinstri væng stjórnmálanna. Með þessu fólki á ég litla samleið þó svo að maður sé fúll út í ástandið.

Raddir fólksins hjá saksóknara

Athugasemdir

[Johann Trast Palmason, 11.12.2008 kl. 16:04]

Það er gott að þú getur ekki séð eða skilið em samt haft skoðanir og fundist og velt upp samsæriskenningum.

Endilega kjaftaðu niður eins og þú getur það litla sem er verið að reina að gera.

Gott að eiga svona fyrirmyndir í samfélaginu.

[Sigurður Hrellir, 11.12.2008 kl. 16:15]

Lýsir þú stuðningi við ríkisstjórnina nafni eða heldur þú bara með þeim sem valdið hefur?

[S i g u r ð u r S i g u r ð a r s o n, 11.12.2008 kl. 16:29]

Skil ekkert hvað þú átt við, Jóhann Þröstur Pálmason.

Sigurður Hrellir; Ég held ekkert með einum eða neinum en tek afstöðu út frá málefnalegum forsendum.

[Gunnar Th. Gunnarsson, 11.12.2008 kl. 16:36]

Öfgaliðið af vinstri vængnum eyðilagði mótmælin strax í upphafi. Nú reynir Hörður og co. að breyta um taktík til þess að fá fleiri í lið með sér, en það er of seint.

[Diesel, 11.12.2008 kl. 16:43]

Meðan það eru einhver mótmæli, þá er ég sáttur.       

[Eva Hauksdóttir (IP-tala skráð) 11.12.2008 kl. 16:51]

Hvernig dettur einhverjum í hug að mótmæli gegn ríkisstjórn séu eða geti verið ópólitísk? Eins og ég er Herði Torfasyni þakklát fyrir þá vinnu sem hann hefur lagt á sig við skipulagningu mótmælafunda, er ég jafn hissa á því að hann skuli  ekki bara viðurkenna pólitíkina. Enda er pólitík hófsemi og lýðræðis ekkert til að skammast sín fyrir.

[Gunnar Th. Gunnarsson, 11.12.2008 kl. 17:37]

Ég er reyndar sammála Evu, mótmælin eru og eiga að vera pólitísk. Mótmælin við ríkisstjórnina eiga að byrtast í kosningum en ekki ofbeldi. Ég mæli með að púlsinn verði tekinn í vor og ef mótmælin verða fjölmenn þá og skoðanakannanir sýna að meirihluti fólks vill kosningar, þá mætti kjósa næsta haust fyrir mér. Bara sjálfsagt mál.