Dagur B. Eggertsson og Gunnar B. Sveinsson

Hér eru tvær fullyrðingar, aðeins önnur þeirra er rétt:

Dagur B. Eggertsson, borgarstjóri og borgarfulltrúi Samfylkingarinnar, ætlar að sitja í nefnd sem á að fara yfir skýrslu innri endurskoðunar Reykjavíkurborgar um braggamálið, af því að hann hafði enga yfirsýn yfir öll málsatvik og málavexti, vissi ekkert.

Gunnar B. Sveinsson, þingmaður Miðflokksins, ætlar að sitja í siðanefnd Alþingis sem á að fara yfir Klaustursmálið af því að hann hefur betri yfirsýn yfir öll málsatvik og málavexti en aðrir.

Sá sem heldur að það sé kusk á hvítflibbanum þegar óhreinindin ná langt upp á bak þarf líklega að skipta um spegil eða fá sér aðra ráðgjafa. Jafnvel hvort tveggja.

 

Mun líklega víkja á fyrsta fundi

Athugasemdir

[Þorsteinn Siglaugsson, 4.1.2019 kl. 14:38]

Er ekki tilvalið að láta þá bara skipta á stólum. Setja spillta borgarstjórann í siðanefnd þingsins og spillta þingmanninn í rannsóknarnefnd borgarinnar?

[S i g u r ð u r S i g u r ð a r s o n, 4.1.2019 kl. 16:04]

... og málið dautt, eins og ullllingarnir segja. 

[Halldór Egill Guðnason, 6.1.2019 kl. 02:55]

 Eigum við að nefna Björn Leví, eða aðeins sleppa því? Já, sennilega best að sleppa því.

 Þakka góða pistla og góðar stundir, með kveðju að sunnan.