Er pólitík Ólínu Þorvarðardóttur uppbyggileg og vönduð?

Á forsíðu Fréttablaðsins í dag er mynd sem gengur fram af mér. Hún virðist nógu sakleysisleg þó. Tveir æðstu ráðamenn þjóðarinnar blómum skrýddir og skælbrosandi ásamt ritstjóra Fréttablaðsins framan við kyrfilega merktar höfuðstöðvar 365. „Gerðu viðskipti ársins“ segir í myndatexta þar sem vísað er til samnings stjórnvalda við kröfuhafa föllnu bankanna að mati dómnefndar Markaðarins, Stöðvar 2 og Vísis.

Svo ósmekklega ritar Ólína Þorvarðardóttir, varðaþingmaður Samfylkingarinnar í pressan.is. Við þetta er fjölmargt að athuga og ekki úr vegi að spyrja og svara nokkrum spurningum.

Er Ólína stuðningsmaður ríkisstjórnarinnar?

Nei, hún er andstæðingur hennar og finnur henni allt til foráttu. 

Var Ólína stuðningsmaður síðustu ríkisstjórnar?

Já, það var hún.

Hafði hún einhverjar athugasemdir við að Jóhanna Sigurðardóttir, forsætisráðherra, væri valin kona ársins af tímaritinu Nýju lífi?

Nei, síður en svo.

Kallaði hún myndina af Jóhönnu „mellumynd“?

Nei, guð hjálpi þér.

Skrifaði Ólína við það tækifæri eitthvað á þessa leið til ófrægðar Jóhönnu: 

Hér er skólabókardæmi um það hvernig hagsmunatengsl fjölmiðils og valdhafa tvinnast saman á einni mynd. „Mellumynd“ gæti einhver kallað þetta (afsakið orðbragðið). Hér má sjá fjölmiðil koma sér í mjúkinn hjá valdhöfum, sem aftur njóta góðs af hinni jákvæðu birtingarmynd þeirra framan við vörumerki mikilsráðandi fjölmiðils.

Nei, en hún skrifaði þetta í í dag í vefritið pressan.is. Hún var ekki að tala um Jóhönnu heldur vondu kallanna.

Gat verið að Nýtt líf hefði kosið Jóhönnu til að „koma sér í mjúkinn hjá valdhöfum góðs af hinni jákvæðu birtingarmynd þeirra framan við vörumerki mikilsráðandi fjölmiðils“?

Nei, auðvitað ekki.

Og af hverju er þá Ólína að tuða yfir öðrum sem fá viðlíka sæmd?

Það er einfalt. Ólína er bara á móti núverandi ríkisstjórn og hún studdi síðustu ríkisstjórn og Jóhönnu Sigurðardóttur með ráð og dáð.

Allir aðrir en eru vondir og illa meinandi, þó ekki hún Jóhanna sem þó tók við svipaðri sæmd af fjölmiðli árið 2009.

Svona eru sumir stjórnmálamenn vanir að ausa aðra auri, rétt eins og einhver taki mark á Gróu greyinu á Leiti. 

Sannast sagna eru svona skrif hundleiðinleg rétt eins og sá stjórnmálamaður sem ritar. Hún er með óþrifin upp á baki eftir að hafa rægt vondu kallanna. 

Óskaplega hlýtur svona fólk að vera illa innrætt og í eðli sínu leiðinlegt. Finnst einhverjum svona pólitík skemmtileg og innihaldsrík?

 

 

Athugasemdir

[Halldór Egill Guðnason, 31.12.2015 kl. 02:23]

Ólína drullar upp á bak, en gerir sjálfa sig að einni stórri skítaklessu um leið, með þessum ummælum. Hún hefur lengi illa þrifist í hóp og því ef til vill skiljanlegt að allt fari í taugarnar á svona illa þenkjandi og eilíflega síkvartandi krataviðriðni. Stefnulaust rekald, án hugsjóna.

Afsakið orðbragðið, en á stundum verur manni orða vant og skautar út í skurð. Ólína er ein af þeim sem aldrei hefðu átt að leggja pólitík fyrir sig.

Góðar stundir, með kveðju að sunnan.

[Halldór Egill Guðnason, 31.12.2015 kl. 02:24]

Ólína drullar upp á bak, en gerir sjálfa sig að einni stórri skítaklessu um leið, með þessum ummælum. Hún hefur lengi illa þrifist í hóp og því ef til vill skiljanlegt að allt fari í taugarnar á svona illa þenkjandi og eilíflega síkvartandi krataviðriðni. Stefnulaust rekald, án hugsjóna.

Afsakið orðbragðið, en á stundum verður manni orða vant og skautar út í skurð. Ólína er ein af þeim sem aldrei hefðu átt að leggja pólitík fyrir sig.

Góðar stundir, með kveðju að sunnan.

[Helga Kristjánsdóttir, 31.12.2015 kl. 08:09]

Hún er auðsjáanlega bálreið,þótt allt frá hruni hafi losun gjaldeyrishafta verið talið það mikilvægasta fyrir þjóðarbúið.Samningur valdhafa við kröfuhafa föllnu bankanna er liður í þeirri vegferð.

Þjóðarbúið, eins og allur almenningur vill hafa það fullvalda þjóðríki. Það vissi Jóhanna Sigurðardóttir og er margoft búið að skrifa þá sögu,sem ég fullyrði að hafa vakið upp réttláta reiði almennings. -- Og þá Halldór var skautað á botnlögðum ísnum út í allt.  

[Heimir Lárusson Fjeldsted, 31.12.2015 kl. 09:50]

Ólína Þorvarðardóttir hefur lýst skoðun Samfylkingarinnar fyrrum vinum hennar á Baugsmiðlum.

[Jósef Smári Ásmundsson, 31.12.2015 kl. 13:27]

365 miðlar eru í eigu Jóns Ásgeirs sem hefur verið talinn samfylkingarmaður og fréttablaðið og stöð 2. málgögn Samfylkingar. Sennilega pirrar þetta Ólínu enn frekar.

[Hrólfur Þ Hraundal, 31.12.2015 kl. 17:45]

Ólína Þorvarðardóttir er af sömu gerð og Jóhanna Sigurðardóttir og þar með gersamlega óbrúkleg. 

Það var í raun, vottur um andlegt þrek þeirra manna sem létu sig hafa það að þola Jóhönnu nálægt sér í vinnu við jafn alvarleg mál sem stjórnsýslu Íslenska ríkisins.

En það má ekki gerast aftur að menn af góðmennsku láti það liggja í friði að manneskja  haldin slíkri ofgnótt af sjálfsáliti og lítilsvirðingu fyrir Íslendingum fái aftur sæti á alþyngi íslendinga.

Óhræsi!