Höfum ekki efni á nýjum Landspítala

Við höfum ekki efni á nýjum Landspítala. Það er hafið yfir allan vafa. Því til viðbótar þarf að fara yfir alla útreikninga og kanna hvort þessi bygging byggist á því að leggja niður sjúkrastofnanir á landsbyggðinni.

Í ofanálag erum við að troða honum í fullbyggt hverfi, eyðileggja ásýnd borgarinnar á þessum stað, búa til borgríki inni í borginni með öllum þeim óþægindum sem fylgja. Nær væri að staðsetja hann austur við Úlfarsfell.

Við byggðum tónlistarhús án þess að hafa efni á því. Sú bygging er nú komin í gagnið og tilgangslaust að sýta gerðan hlut. Hins vegar eigum við að hafa vit á því að endurskoða áætlanir um nýjan Landspítala og að minnsta kosti fresta honum um tíu ár. 

Áfram haldið þrátt fyrir óvissu

Athugasemdir

[Kristbjörn Árnason, 15.7.2013 kl. 15:20]

ég er reyndar sammál þér Sigurður. En Kristján Þór sagði ýmislegt fleira í þessu viðtali. Við eigum gott pláss við Keldur sem er í eigu ríkisins og eða við Elliðavoginn. Staðir sem liggja miklu betur við samgöngumögum og þróun þeirra til framtíðar.

[Elfar Aðalsteinn Ingvarsson (IP-tala skráð) 15.7.2013 kl. 16:15]

Þessar nýju byggingar er áætlaðar til að leysa tvö megin vandamál.

1. Sameina bráðamóttökur, skurðstofur, rannsóknir og myndgreiningar sem eru allar bæði í fossvogi og á hringbraut.

Augljóst hagræði og mikil aukning á öryggi sjúklinga.

2. Undirbúa spítalan til að taka á móti kynslóðini frá 1945-1965 sem voru stórt innskot í fólksfjölda og er nú komið á þann aldur að þurfa meiri heilbrigðisþjónustu.

[Jóhann Kristinsson, 15.7.2013 kl. 16:29]

Á síðasta ári var mikið talað um að tæki sjúkrahúsana væru orðin gömul og úrelt og væru að bila.

Það kom einig fram að ekki væri til peningur til að endurnýja gömlu tækin og bæta við tækjum með nýjustu tækni.

Hvað höfum við að gera við tækjalaust sjúkrahús?

Væri ekki réttara að endurnýja tækin og fara svo í að byggja nýtt sjúkrahús?

Kveðja frá Sameinuðu Arabísku Furstadæmunum.

[Elfar Aðalsteinn Ingvarsson (IP-tala skráð) 15.7.2013 kl. 18:12]

Það er búið að gera ráð fyrir því í fjárhags áætlun verkefnisins að sá búnaður sem þarf að endurnýja verði endurnýjaður og einnig að bætt verði mögulega aðstaðan með því að kaupa tæki á borð við PET skanna sem gætu hjálpað verulega við greiningu og meðferð á krabbameini. Það er ekkert þannig tæki á landinu í dag svo ég viti.

[Óskar, 16.7.2013 kl. 01:10]

Ég held að þeir sem tönglist sífellt á því að við höfum ekki efni á nýjum spítala ættu að hugleiða að landspítalinn er nú á eftirtöldum stöðum í borginni:

1. við Hringbraut eins og allir vita

2. Kleppur

3. Landakot

4. Borgarspítalinn

5. Rannsóknir í Ármúla

6. Þvottahús á Stuðlahálsi

7. Blóðbankinn á Snorrabraut

8. Augndeildin á Eiríksgötu

9. Endurhæfing á Grensási

Þetta er nú það sem ég man eftir svona í hvelli en mér skilst að spítalinn sé í raun á 14 stöðum innan höfuðborgarsvæðisins!   Hversu mikið ætli sparist á því að  hafa þessa starfsemi því sem næst alla á sama stað ?  Þessu fylgir nefnilega gífurlegt óhagræði því senda þarf starfsfólk á milli staða oft á dag, senda sýni og allskonar dót á milli, sjúklinga jafnvel líka, kostnaðurinn við þetta hleypur á milljónum á mánuði, ef þá ekki tugum milljóna.

[Elfar Aðalsteinn Ingvarsson (IP-tala skráð) 16.7.2013 kl. 12:49]

10. Ritaramiðstöð/Rjóður/Líknadeild í Kópavogi

11. Geðdeild á Skólavörðustíg

12. Geðdeild á Dalbraut

13. Skjalasafn á Vesturhlíð

14. Sjúkrahótel á Rauðarárstíg

15. Meðferðarheimili á Reynimel

16. Meðferðarheimili á Laugarásvegi

Á þessum 16 stöðum eru 41. byggingar af öllum stærðum og gerðum. Flestar þeirra eru frekar viðhalds frekar.

Það stóð til í byrjun (í kringum 2000) að byggja á Hringbrautar lóðini þannig að hægt væri að sameina alla starfsemina á einn stað en það var hætt alveg við það þegar áætlanir voru endurskoðaðar af ráðherra xD í kringum 2006. Í staðin átti að sameina starfsemi hringbrautar og fossvogs á einn stað þar sem hagræði af sameiningu mikilvægustu deildana borgar fyrir þetta, ásamt því að geta leigt eða selt Borgarspítala undir aðra starfsemi, hótel til dæmis.

[S i g u r ð u r S i g u r ð a r s o n, 16.7.2013 kl. 14:47]

Eru þetta rökin. Hvað með sjúklinganna? Er forsvaranlegt að reikna alla sjúklinga á landsbyggðinni til Reykjavíkur svo hægt sé að réttlæta þessa byggingu? Launakostnaður er hæsti gjaldaliðurinn sem og lyfjakostnaður.

[Elfar Aðalsteinn Ingvarsson (IP-tala skráð) 16.7.2013 kl. 18:22]

Þetta er ákurat spurning um sjúklingana, í dag er skipting milli þess sem er gert í gamla Borgarspítalanum og það sem er gert á Hringbraut. Þannig að ef það er þörf á sérfræðilækni til að bregðast við neyðartilfelli og deildin hans er ekki í sama húsnæði þá eru það um 20 mínútur sem það mun taka hann að komast til sjúklingsins.

Einn fjölskyldu meðlimur minn lenti ákurat í þess háttar vanda þegar hann fór upp á Borgarspítala því hann fann fyrir andþyngslum og þau greindu hann strax með kransæðastíflu. Vandin er að hjartadeild er á Hringbraut þannig að ekkert var hægt að gera þangað til að hann væri fluttur þangað sem bætti 25 dýrmætum mínútum við það að hægt væri að þræða hann og losa stífluna.

Landspítalin er líka aðalspítali höfuðborgarsvæðisins þannig að það er mikilvægt að hann sé þannig búin að hann geti sinnt þeim 202.000 manns sem búa hér og treysta á hann.

Ef þú villt ræða um hagkvæmni þá kosta þessar nýbyggingar um 250 þúsund krónur á hvern íbúa höfuðborgarsvæðisins sem er lítið miðandi við aðgerðir úti á landi undanfarin ár.

[S i g u r ð u r S i g u r ð a r s o n, 16.7.2013 kl. 20:16]

Nýi Landspítalinn gengur ekki, jafnvel þó sjúklingar á landsbyggðinni séu neyddir suður, og þeir eru teknir með í reikninginn. Þess vegna hefur verið dregið úr heilbrigðisþjónstu á spítölum úti á landi til að hægt sé að reikna landsbyggðina með. Nýi spítalinn er einfaldlega alltof stór fyrir þessa þjóð.

[Elfar Aðalsteinn Ingvarsson (IP-tala skráð) 16.7.2013 kl. 23:55]

Hvaða tölur hefuru fyrir því að þetta er of stórt?

Það er verið að ræða um það að taka kliníska starfsemi sem tekur núna um 44 þúsund fermetra, sem flestir telja afar þröngt, og koma henni fyrir í húsnæði sem verður um 66 þúsund fermetrar (sem ég held að innifali líka bílastæðahúsið). Enda er gert ráð fyrir því að byggingin verður notuð undir þetta næstu 40-50 árin.

Nýr LSH er ekki ástæðan fyrir samdrátt á þjónustu fjórðungs sjúkrahúsana. Helsta ástæðan fyrir minni þjónustu þeirra er skortur á sérfræðingum til að manna stöðurnar. Þeir sérfræðingar sem eru á Íslandi vilja yfirleitt vinna við LSH vegna þess að þar er "fjörið", öll athyglisverðustu atvikin og flóknustu aðgerðinar.

Það þarf að viðhalda grunn heilsugæslu allstaðar á landinu og hafa slysadeildir á stærri stöðunum en það er ómögulegt að reyna byggja upp 8 sjúkrahús með sérfræðiþekkingu á 300.000 manna eyju.