Sigríður Ingibjörg og ósamstöðuliðið

Af hverju er Sigríður Ingibjörg ingadóttir, þingmaður Samfylkingarinnar, ekki í framboði sem formaður flokks síns? Hún smellpassar inn í embættið.

Þingmaðurinn gerir enga aðra athugasemd við orð forsetans um „samstöðu allra flokka með víðsýni og sáttavilja að leiðarljósi“ en eftirfarandi: „Þetta kemur ekki á óvart, enda hefur forsetinn ekki staðið með í þessu máli hingað til“.

Sem sagt orð forsetans eru fín og góð en gallinn er bara sá að Sigríði Ingibjörgu, þingmanni, finnst forsetinn ekki vera með henni í ósamstöðuliðinu.

Mikið óskaplega hlýtur að vera gaman í pólitík þegar við horfið er þetta: Ég ein veit og allir aðrir eru fúlir á móti.

Var ekki einhver að tala um að þetta væri sú pólitík sem við hefðum átt að skilja eftir árið 2008? 

Segir orð forsetans ekki koma á óvart

Athugasemdir

[Gunnlaugur I., 1.1.2013 kl. 18:37]

Gleðilegt ár Sigurður og hafðu þökk fyrir góðar blogggreinar á gamla árinu.

Vonandi tekst þér líka vel upp á nýja árinu.

Já þetta er orðið ansi þreytandi þetta "syndrome" Samfylkingarfólks "Vér einir vitum" og stendur alvöru þjóðmála umræðum fyrir þrifum bæði í stjórnarskrármálinu og ekki hvað síst í ESB málinu, þar sem höfðinu er bar stungið í sandinn !

[S i g u r ð u r S i g u r ð a r s o n, 1.1.2013 kl. 18:40]

Gleðilegt ár, Gunnlaugur. Vona að þú haldir sjálfur áfram að skrifa á nýja árinu. Alltaf er þörf á heilbrigðum skoðunum í umræðunni.