Kraftaverkastofa allra mennlegra meinsemda

Með aukinni notkun almennings á heildrænum meðferðum er hægt að spara stórar fjárhæðir sem annars mundu fara í lyfjakostnað hjá ríkinu. Í nágrannalöndum Íslands er í auknum mæli ávísað hreyfiseðlum við ýmsum lífsstílsvandamálum sem ágerast mjög með tímanum ef ekki er gripið tímanlega inn í og kunna að lenda þungt á heilbrigðiskerfinu á komandi árum. Hér geta heildrænar meðferðir komið almenningi öllum til góða.

Svona segir í greinargerð með þingsályktunartillögu um heildrænar meðferðir græðara. Ég fagna þess af heilum hug og sérstaklega framtaki upplýstra aðila innan vinstri stjórnar lúðveldisins.

Verði af því að langþráð heildræn meðferð fái inni í sjúkratryggingum þá mun ég um leið byrja í bransanum.

Staðan er nebbnilega sú að ég er græðari, hef langa reynslu sem slíkur. Græði ekki peninga en get grætt helstu meinsemdir. Í mörg ár hef ég grætt sjálfan mig, ekki þannig að ég hafi verið að gráta, held getað með hugarorkunni einni saman grætt meinsemdir.

Ég ætla að kalla græðarastofu mína „Kraftaverkastofu allra mannlegra meinsemda“ og ég mun lofa öllu fögru. Nýjungin í KAMM (stytting á áðurnefndu nafni græðarastofunnar) er sú þeir sem þjást af einhverjum kvillum, líkamlegum sem andlegum, er nóg að senda mér tölvupóst. Á móti sendi ég bankanúmer og viðkomandi millifærir 10.000 krónur og allt upp í 999.999 krónur. Ekki meira, því ég er hugsjónamaður.

Um leið og greiðslan berst mun ég með heilunar- og andlegum fjartengiaðferðum laga báttið. Ef það lagast ekki innan þriggja ára mun ég gera aðra tilraun, alveg ókeypis. Dugi það ekki mun ég greiða þriðjunginn til baka.

Athugasemdir

[Marinó Óskar Gíslason, 3.12.2012 kl. 18:09]

Bullið á Alþingi ríður ekki við einteiming. Hefur þetta lið þarna ekki öðrum hnöppum að hneppa en að fást við þessa vileysu.

Hvernig væri nú að þetta lið sem var kosið þarna inn færi nú að girða sig í brók og fara að vinna vinnuna sína fyrir fólk. Það er ekki seinna vænna fyrir það.

[Erla Magna Alexandersdóttir, 3.12.2012 kl. 19:03]

Hvernig væri að læknar sem eru búnir að vera í langtímanámi færu að vinna vinnuna sína ? Þeir fá ofurlun en hundsa sjukt fólk með hroka - en gera ekkert nema vernda hvern annan ! Fólk er hætt að fara til læknis !!!

 Það treystir öðrum betur !

[Anna Sigríður Guðmundsdóttir, 3.12.2012 kl. 23:23]

Erla Magnea. Já við erum hætt að far til læknis, vegna þess að við verðum veikari af lyfjunum frá þeim, heldur en ef við sitjum heima.

Ég tek það fram að þetta á ekki við alla lækna, en því miður of marga.

M.b.kv.