Ljótt og andstyggilegt skipulag

Meirihluti skipulagsráðs borgarinnar hefur ekki sjálfstæða skoðun á skipulagi borgarinnar. Þrátt fyrir áralangt mal þeirra sem þar sitja er þetta lið ekkert nema stimpilpúði ríkisstjórnarinnar.

Allir sem eitthvað hafa á milli eyrnanna sjá hversu hrikalegt þetta skipulag er. Verið er að gjörbreyta ásýnd Skólavörðuholts og gera það ljótt og ómanneskjulegt. Ótrúlegt að maður þurfi að grípa til svona orða sem ætla mætti að séu úrelt. 

Þegar taka skal ákvörðun um skipulag eru nokkur atriði sem þarf að meta.

 

1. Fellur skipulagið inn í umhverfið sem fyrir er? Svar: Nei!
2. Eru verður skipulagið til bóta? Svar: Nei!
3. Er skipulagið fallegt fyrir borgarbúa? Svar: Nei!
4. Mun skipulagið hafa góð áhrif til framtíðar? Svar: Nei!
5. Er almenn ánægja með skipulagið? Svar: Nei!

Skilur meirihluti skipulagsráðs ekki það sem verið er að gera á þessu svæði? Slíkt byggingarmagn er um að ræða að engin ástæða er til að tengja það við núverandi byggingar Landspítalans. Miklu nær væri að koma spítalanum fyrir sunnan nýju Hringbrautar í stað þess að troða því í fallegt og friðsælt hverfi.

 

Deildar meiningar um deiliskipulag

Athugasemdir

[Anna Sigríður Guðmundsdóttir, 3.12.2012 kl. 16:47]

Sigurður. Það er alveg óskiljanlegt, að skipulags-lið Reykjavíkurborgar skuli ekki vera skyldugt til að taka ábyrga afstöðu út frá heildarmyndinni, og heildarhagsmunum.

Hver á að borga vísinda-herlegheitin í Reykjavíkurmýrinni? Eiga óhefðbundnar lækningar enga möguleika á Íslandi í framtíðinni?

Hvers konar siðleysis-lyfjamafíu-einokun á að ráða á Íslandi í framtíðinni?

Þarf fólk virkilega að flytja til annarra landa, eða yfir móðuna miklu, ef það vill fá lausn við sínum vísinda-vanþekkingar-óviðurkenndu veikindum?

Talsmenn þessa rán-dýra tæknisjúkrahúss eiga ekki að sleppa við að svara þessum spurningum!

Ég fæ 0.00 kr. úr lífeyrissjóð, þótt ég hafi starfað eftir bestu getu og heilsu allt mitt líf. Samt finnst Vilhjálmi Egilssyni (Gildis-ráns-talsmanni) í lagi að byggja þetta tæknisjúkrahús fyrir lífeyri almennings (t.d. minn lífeyri)?

Hver getur varið svona óréttlæti?

M.b.kv.