Símanotkun og hangsið á vinstri akrein

Það er svo undarlegt að þegar maður ekur og talar í síma án handfrjáls útbúnaðar er eins og umferðin þurfi að víkja, hún mætir eiginlega afgangi í hausnum á manni. Allt annað er uppi á tengingunum þegar notaður er handfrjáls búnaður. Þá er eins og ökumaðurinn nái fullri stjórn yfir bílnum og hann er vakandi yfir umferðinni. Sá sem talað er við í síma mætir afgangi rétt eins og þegar samræður eiga sér stað milli ökumanns og farþega.

Annars er þetta ekki mesta vandamálið í umferðinni á höfuðborgarsvæðinu. Það versta er hangs ökumanna á vinstri akrein. Það veldur því að á umferðinni hægir og menn taka ósjálfrátt upp á því glapræði að fara í stórsvig á milli hægri og vinstri akreinar. Því fylgir hrikaleg slysahætta.

Ökumenn eiga einfaldlega að halda sig á hægri akrein, öllum stundum, nema því aðeins að þeir ætli að beygja til vinstri á næstu 300 metrum ca. Þetta er svo einfalt og ef allir myndu gera þetta væri umferðin á höfuðborgarsvæðinu eins og hjá siðmenntuðum þjóðum. 

„Eins og að aka undir áhrifum“

Athugasemdir

[Hallgeir Ellýjarson, 25.9.2012 kl. 23:20]

Það er löngu búið að sýna fram á það með rannsóknum að símanotkun með handfrjálsum búnaði truflar athygli ökumannsins alveg jafn mikið.

Þetta eru úrelt lög. Annað hvort á að leyfa öll símtöl eða banna öll símtöl óháð búnaði.

Áhrif á farþegum eru líka vanmetin. Samtöl við þá geta líka truflað athyglina.

En já ég tek undir með þér með hægri-vinstri regluna. Maður sér engan mun á umferðinni eftir akreinum það virðast mjög fáir fara eftir þessu. Lögreglan verður að fara að sekta fólk fyrir þetta og auglýsa það í fjölmiðlum.

[S i g u r ð u r S i g u r ð a r s o n, 25.9.2012 kl. 23:42]

Sammála þessu síðasta. Hið fyrra merki ég bara af sjálfum mér, einföld rannsókn það ... ;-)