Ríkisstjórnin þvinguð til aðgerða

Er þetta ekki dæmigert fyrir ríkisstjórnina. Það er orðinn fréttamatur þegar stofnanir samfélagsins eru fjárþurfi. Eftir umræðu í fjölmiðlum þar sem innanríkisráðherra þráast við og ber fyrir sig blankheitum, ekki aðeins í hugmyndum heldur einnig ríkissjóðs fæst loksins niðurstaða.

Gerum ekki lítið úr blankheitum ríkissjóðs. Gagnrýnum heldur getuleysi ríkisstjórnarinnar sem hefur þau ráð ein að skattleggja almenning og fyrirtæki til að afla fjár. Hún drepur niður í orði og á borði alla sjálfsbjargarviðleitni og kann ekki eða getur ekki eflt þjóðfélagið og hvatt fólk til dáða.

Er ekki kominn tími til að segja velferðarstjórninni upp störfum? 

Útlendingastofnun fær aukið fé

Athugasemdir

[Adda Þorbjörg Sigurjónsdóttir, 26.8.2011 kl. 13:52]

Þau skötuhjúin hanga á tönnum og klóm í stólunum en virðast ekki skilja að við viljum losna við þau.

Þau eru orðin verri en engin. Það verður bara að fara að gera eitthvað s.s. stofna til fjöldamótmæla svo þau skilji að það eru ekki eftir margir sem hvetja þau til áfram til slæmra verka. Vera má að tilgangurinn sé góður en þau eru að drepa sjúklinginn.

[Jón Óskarsson, 26.8.2011 kl. 15:10]

Óþolandi þegar stjórnmál stjórnast bara af því sem er í fréttum hverju sinni.  En það er líka algjörlega óþolandi að horfa upp á að það sé hægt í einum grænum hvelli að bjarga þessum málum, því auðvitað má ekki fara illa með þessa einstaklinga og fjölskyldur.   En það tekur mörg ár að sinna skattgreiðendum í þessu landi sem er að blæða út vegna aðgerðaleysis stjórnarinnar.  Og ef eitthvað á að gera fyrir okkur íbúa þessa lands þá er það gert þannig að úr öðrum vasanum hjá okkur eru teknar 2 krónur til þess að skila okkur 1 krónu í hinn vasann.