Hver sinnir öryggismálum þjóðarinar?

Annað hvort er það svo að innanríkisráðherran sé meðvitundarlaus og tengir ekki atburðinn í Noregi á nokkurn hátt við Ísland eða hann og lögreglan hafa þegar gripið til fyrirbyggjandi aðgerða en vilji eðlilega ekki láta neitt uppiskátt um þær. Við skulum vona að það síðarnefnda sé raunin.

Stjórnvöld verða að huga að öryggismálum og grípa til aðgerða. Það er heiðskírt. Sá tími er liðinn að menn geti sagt í kæruleysi sínu: Hvað ætti svosem að gerast hér á landi?

Hvað átti svosem að gerast í Noregi? Fyrirfram hefði enginn trúað því að snargeggjaður maður missti sjónar af öllu því sem máli skiptir í tilverunni og lét allt það sem honum var kennt í æsku lönd og leið. Slík geggjun á sér engin landamæri, hún er ekki bundin við þjóðir eða landsvæði. Núna um helgina hélt til dæmis einhverr rugludallur því fram hér á landi að hann væri sammála morðingjanum í Noregi og gekk í skrokk á öðrum sem var á öndverðum meiði.

Því er ekki furða þótt maður líti í kringum sig og spyrji spurninga. Gæti verið að einhver vildi samlöndum sínum eitthvað illt eða kemur öll illskan utanfrá?

1. Fylgist lögregla til dæmis með vefsíðum öfgafólks, hverjir sem þeim hópi tilheyra?
2. Rannsakar hún það sem er þar að finna?
3. Til hvaða viðbragða verður gripið sé ríkisstjórn Íslands ógnað? Verður hún starfandi eftir glæpsamlegan verknað?
4. Er öryggi stjórnsýslu landsins sinnt?
5. Getur lögreglan staðist hópi vopnaðra manna snúning?
6. Veit löggæslan hvar er í skipum sem koma hingað til lands?

Þessar spurningar og margarfleiri flögra um huga manns þegar fréttir af fjöldamorðum berast frá hinum friðsæla Noregi.

Því er ekki furða þótt maður líti í kringum sig og spyrji spurninga. Með réttu getum við nánast fullyrt að það vonda sem á sér stað í útlöndum getur allt eins gerst hér á landi. 

 

Engar stórtækar aðgerðir

Athugasemdir

[Lúðvík Júlíusson, 26.7.2011 kl. 14:56]

ég vona að hann segi þetta til að þeir aðilar sem fylgst er taki ekki upp á því að gera yfirvöldum erfiðara fyrir.

Þetta eru hins vegar allt mikilvægar spurningar en stundum þurfa svörin að vera leynd til að erfiðara sé að komast undan eftirliti, því miður.

[Óskar Guðmundsson, 26.7.2011 kl. 23:26]

Svör við spurnum þínum.

 1-2. Netlögga er hættulegt fyrirbæri og í raun ekki annað eða öðruvísi en t.d. að hlera alla síma.

 3-4. Hér fremur ríkisstjórnin stærstu glæpina hverju sinni og halda sætum sínum og bitlingum.

5. Við erum með fyrirtaks sérsveit. Ein af megin ástæðunum fyrir því hversu lítið er vitað um hana er hversu lítt hún er sýnileg hinum venjulega leikmanni. Oftar en einu sinni hefur t.d. sést til þeirra á húsi gamla Landsímanns vip setningu Alþingis.... en fæstir horfa þá til himins til annars en að biðja að á verðandi ári brjóti sakamenn Alþingis minna af sér en árið á undan (sem er þó sjaldnast raunin (sjá 1-2 / 3-4 hér að ofan)

6.  Tollgæsla hér er mun meiri en annarsstaðar þekkist.

Það eru tugir tollvarða á þessar skipakomur í hverri viku sem telja má á fingrum annarrar handar. 

[Ásgrímur Hartmannsson, 27.7.2011 kl. 00:33]

1: "lausn" á einkennunum, ekki sjúkdómnum.

2: í besta falli tímasóun.

3: Ríkisstjórn Íslands er alltaf að fremja eitthvað glæpsamlegt... svo, já.

4: Sennilega meira en borgaranna.

5: hverra?  Það er málið.

6: Miðað við það magn eiturlyfja sem hingað berst... annað hvort vita þeir allt, og eru á mútum, eða þeir vita bara mestmegnis hvað þetta er.