Ekki kjósa um Icesave og stjórnlagaþing á sama tíma

Er það nú ekki dæmigert um glámskyggni forsætisráðherrans þegar hún veltir því upp hvort þjóðaratkvæðagreiðsla um Icesave lögin og stjórnlagaþingi geti ekki farið fram samtímis?

Hver eru tengslin milli þessara tveggja mála? Engin og því á ekki að blanda þeim saman. Enn vitum við ekki hvernig á að kjósa til stjórnlagaþings. Á til dæmis að kjósa aftur á milli þeirra sem buðu sig fram síðast, þ.e. endurtaka kosninguna? Eða á að gefa öðru kost á að bjóða sig fram?

Þá er ég ansi hræddur um að  einn til einn og hálfur mánuður og skammur tími fyrir frambjóðendur að kynna sig. 

Ég vona bara að þeir sem sitja nú á þingi komi í veg fyrir tvöfaldar kosningar á einum kjördegi. Icesave er tvímælalaust nógu mikilvægt til að kjósa um það eitt. Forsætisráðherra vill hins vegar kasta ryki í augu kjósenda og rugla fólk í ríminu með tvöfaldri kosningu.

Og meðal annarra orða; fellum Icesave lögin í þjóðaratkvæðagreiðslunni. Þjóðin stofnaði ekki til þessarar skuldar og ber enga ábyrgð á henni.

Atkvæðagreiðslan verði sem fyrst

Athugasemdir

[Svavar Bjarnason, 20.2.2011 kl. 17:21]

Mér finnst það ágætis hugmynd að kjósa um stjórnlagaþing, Icesave og kvótann samtímis. Sparar mikinn pening og eykur kjörsókn.

[Axel Jóhann Hallgrímsson, 20.2.2011 kl. 17:45]

Það ætti að gleðja þá sem hvað hæst grétu yfir kostnaðinum við stjórnlagaþingskosningarnar að með þessu fást þær fyrir lítinn pening.

Eða var kostnaðargráturinn bara yfirvarp?

[Kristján Sigurður Kristjánsson, 20.2.2011 kl. 20:23]

Svona miðað við hefðina þá hefur oft verið kosið um hundahald áfengisútsölur ofl. meðfram alvöru kosningum.

[S i g u r ð u r S i g u r ð a r s o n, 20.2.2011 kl. 20:40]

Í þjóðaratkvæðagreiðslu vegna synjunar forseta á staðfestingu á lögum ber að halda sem fyrst. Við kosningu til stjórnlagaþings þurfa frambjóðendur að fá tíma til að kynna sig.

Þetta eru alls ekki sambærileg mál. Finnst engum það varhugavert að blanda saman gjörólíkum kosningum?

Forsætisráðherra hefur nefnt að hægt væri að kjósa um Icesave eftir mánuð. Um hvað á að kjósa til stjórnlagaþings; sömu frambjóðendur (vilja þeir yfirleitt vera aftur í kjöri eða á að þvinga þá til þess), nýja frambjóðendur ...?

Icesave samningurinn er einn sá mikilvægasti sem hægt er að leggja fyrir þjóðina. Kristján, er eitthvað viti í því að bera hann saman við ágreining um áfengisútsölu, hundahald eða jafnvel stjórnlagaþing?

[Kristján Sigurður Kristjánsson, 20.2.2011 kl. 20:50]

Nei auðvita er Icesave miklu mikilvægara en hundahald og eða stjórnlagaþing.

En það sem ég vona að gerist að það verði ekkert mál til að kjósa um, eignir LÍ dugi fyrir forgangskröfum og gott betur. Þetta gæti orðið ljóst eftir mánuð.

[S i g u r ð u r S i g u r ð a r s o n, 20.2.2011 kl. 20:56]

Við skulum vona að þetta rætist hjá þér, Kristján.

[Axel Jóhann Hallgrímsson, 20.2.2011 kl. 20:57]

Væri ekki nær að láta á það reyna hvort þetta gangi Sigurður í stað byrja strax að draga allt það sem hugsanlega gæti torveldað málið upp á veginn?

[Ómar Bjarki Smárason, 20.2.2011 kl. 21:53]

Áhugaverð pæling þetta með hundahald og Icesave.....! Spurning hvort ekki er rétt að kjósa til Alþingis samhliða Icesave kosningu....?

[S i g u r ð u r S i g u r ð a r s o n, 20.2.2011 kl. 23:01]

Jú, Ómar. Ef við það yrði t.d. innan átta vikna ...

[Pétur Harðarson, 21.2.2011 kl. 11:14]

Mér finndist í lagi að lauma þessari spurningu með Icesave spurningunni: "Viltu að kosið verði til stjórnlagaþings á þessu kjörtímabili?" Kæmi mér ekki á óvart að það yrði fellt með álika meirihluta og Icesave samningurinn.

[S i g u r ð u r S i g u r ð a r s o n, 21.2.2011 kl. 11:16]

Miklu frekar að spurt verði: Ertu ekki orðinn dauðþreyttur á þessari getulausu ríkisstjórn sem virðist vera löngu dauð og hefur ekkert fram að færa en tóm leiðindi fyrir almenning í landinu? Nei, þetta er ekki leiðandi spurning.