Getur hann gefið öðrum siðferðilega einkunn

Með fullri virðingu fyrir Steingrími J. Sigfússyni, þingmanni Vinstri grænna og fjármálaráðherra, þá er hann ekki í þeirri stöðu að geta gefið einum eða neinum siðferðilega einkunn. Hann og forsætisráðherra eru sek um að hafa lagt að Alþingi og þjóðinni að samþykkja fyrri Icesave-samninginn sem var svo vondur að hann hefði getað gert þjóðina gjaldþrota.

Sem betur fer hafnaði þjóðin þessum vonda samningi. Hvorki Steingrímur né Jóhanna Sigurðardóttir eiga sáralítið í nýja Icesave-samningnum. Enn á ný hvetja þau til þess að nýi samningurinn sé samþykktur. Engu líkar er að þau hafi ekki kynnt sér efni þeirra samninga sem þjóðin á að gangast undir. Allt skal gagnrýnislaust samþykkt.

Verði samningurinn samþykktur skal hann lagður undir dóm þjóðarinnar. Vafalítið leggst Steingrímur á móti því. 

Fagnar afstöðu sjálfstæðismanna

Athugasemdir

[Kristján Hilmarsson, 2.2.2011 kl. 22:44]

Ekki bara getur Sigurður ! heldur gerir  en þú verður bara að taka fram reglustrikuna á mig aftur ef þetta er of gróft: "

"Steingrímur sagði að samþykkt Icesave-samkomulagsins myndi m.a. liðka verulega fyrir og opna möguleika Íslendinga á að fara út á alþjóðlegan fjármálamarkað á nýjan leik. „Að bakleystu Icesave-máli ætti íslenska ríkið ekki að vera í miklum vandræmum með að fara að undirbúa innkomu sína á alþjóðlegan fjármálamarkað á nýjan leik og ryðja þar með brautina fyrir banka og aðra aðila, stór íslensk fyrirtæki, sveitarfélög og orkufyrirtæki og fleiri slíka aðila,“ sagði hann."

Er einhverjir aðrir en ég sem fá smáhroll niður eftir bakinu við að lesa þetta ?

þetta dró nú ekki úr grunsemdum mínum, en OK engar sannanir svo...

MBKV

KH

[S i g u r ð u r S i g u r ð a r s o n, 2.2.2011 kl. 23:38]

Já, þetta fær mann til að hugsa. Sagði hann ekki þetta sama þegar fyrri samningurinn lá á borðinu og bætti því við að heimsendir væri í nánd fyrir Íslendinga yrði hann ekki samþykktur. Hins vegar líst mér ekki á að undirbúa brautina fyrir nýja kynslóð útrásarvíkinga.

[Kristján Hilmarsson, 3.2.2011 kl. 11:41]

Jú einmitt ! það var mikið til í sama dúr.

Og varðandi orðalagið hjá honum, sem ég tilvitna í,  þá er ég svona venjulega ekki, "skuggahræddur" né yfirmáta tortrygging, en núna er ég á vakt

MBKV

KH