Gjörbreytir viðhorfi fólks, segir framsóknarmaðurinn

Davíð Oddsson hefur haldið sér að mestu til hlés og ekki tjáð sig um einstaka atburði sem gerðust í hans tíð í Seðlabankanum. Fyrir vikið hefur alls kyns lýður náð að breiða út sögusagnir um störf hans og viðskilnað við bankann. Því miður hefur hann ekki hirt um að leiðrétta nema lítið brot af slíku. Sannleikurinn kemur þó alltaf betur og betur í ljós.

Í frétt mbl.is hefur blaðamaður þetta eftir Höskuldi Þórhallssyni þingmanni Framsóknarflokksins:

Ég tel að það sé mjög mikilvægt að fá trúnaði aflétt af hluta samtalsins,“ segir hann. Samtalið eigi erindi við almenning, sem verði að fá tækifæri til að meta sjálfur hvað hafi farið á milli Davíðs og Kings.  „Ég tel að þær upplýsingar sem koma fram í samtalinu geti gjörbreytt viðhorfi fólks um það hvort við eigum að borga Icesave eða ekki,“ segir Höskuldur.  

Höskuldur virðist telja ummæli breska seðlabankastjórans afar merkileg og þau eigi erindi í opinbera umræðu á Íslandi. Hafi sá breski ekkert að fela ætti honum að vera í lófa lagið að heimila að minnsta kosti birtingu á ákveðnum hlutum ummæla sinna og halda þeim eftir sem bankaleynd á að hvíla á. En kallinn er hinn þverasti og neitar allri birtingu. Það bendir einfaldlega til þess að samviska hans er slæm.

Björn Valur Gíslason, þingmaður VG, skýlir sér á bak við leyndina og lætur í það skína að ekkert breski seðlabankastjórinn hafi ekkert merkilegt sagt á upptöku símtalsins. Þetta er ómerkilegt bragð Björns vegna þess að ómögulegt er að sanna fullyrðingu um annað nema að birta ummælin orðrétt og hann skákar í því skjólinu að það verði ekki gert og málið dautt eins og krakkarnir segja. 

Auðvitað á að birta þessi ummæli. Þau skipta máli í umræðunni um hrunið þó ekki sé nema vegna þess að þau varpa ljósi á stöðu mála fyrstu dagana í október 2008.

Segir samtalið eiga erindi við almenning

Athugasemdir

[Flosi Kristjánsson, 25.1.2011 kl. 15:27]

Eins og þú víkur að, þá hefur það verið meginiðja ansi margra fylgjenda núverandi ríkisstjórnar að stunda þá iðju sem ég kalla að "þjappa moldina á gröf Davíðs Oddssonar".

Núna kannast enginn við að hafa tekið þátt í því ævintýri sem hófst við gildistöku EES-samningnsins, en tala ýmist um frjálshyggju eða nýfrjálshyggju og benda á einn og aðeins eins blóraböggul.

Reyndar hefur einn stjórnmálamaður nefnt "Blairisma" og þannig óvart barið á fingurinn á sér, en enginn virðist hafa tekið eftir því og þess er vandlega gætt að "Blairistinn" sjáist sem allra minnst.

Vonanadi kemur eitthvað krassandi úr út þessu!

[S i g u r ð u r S i g u r ð a r s o n, 25.1.2011 kl. 15:36]

Blairismi varð til þegar Verkamannaflokkurinn í Bretlandi föttuðu einkaframtakið.