Er skjálftavirknig og órói í Mýrdalsjökli?

Enn er hiti í gígnum í Eyjafjallajökli og ekki virðist gosinu algjörlega lokið. Grunnir jarðskjálftar mælast við toppgíginn nær daglega og á óróamælum er örlítil hreyfing með þeirri undantekningu að sveiflurnar eru langmestar á mælinum við Láguhvola, austan Mýrdalsjökuls. 

Einhvern tímann eftir gosið á Fimmvörðuhálsi bloggaði virtur jarðfræðingur á þá leið er hann sá að upptök nokkurra skjálfta voru í Mýrdalsjökli að nú væri hugsanlega líf að færast í Kötlu. Hvað myndi hann nú segja ef hann mætti mæla fyrir sjálfskipaðri ritskoðun?

Skjálftunum í Mýrdalsjökli hefur fjölgað að mun síðustu vikur og það vekur alltaf grundsemdir leikmanna sem auðvitað hafa ekki hundsvit á tækjum jarðfræðinganna.

Hvaða ályktun má draga af aukinni skjálftavirkni í Mýrdalsjökli? Hvað þýða sveiflurnar í óróamælinum á Láguhvolum, sem vart mælast annars staðar í kringum tvíjökulinn? Er skjálftavirkni og órói í Mýrdalsjökli sem ástæða er til að hafa áhyggjur af?

Auðvitað hef ég ekkert fyrir mér í þessum efnum annað en draumfarir spakra kvenna sem lifa við sultarmörk á atvinnuleysisbótum og annarra forvitra ...

Meðfylgjandi mynd er af eldfjöllunum á Fimmvörðuhálsi, Magni er fjær, Móði er nær. 

Vatnsborð gígsins er sjóðandi

Athugasemdir

[Þór Gunnlaugsson (IP-tala skráð) 18.6.2010 kl. 14:48]

Það mun koma skot í SV hlíðum Kötlu og jafnvel tveim öðrum stöðum á landinu en fljótandi kvika er undir öllu landinu og bara það sem af er dagsins hafa 5 skjálftar í röð tæpir tveir riðið yfir og kort Veðurstofunnar er komið með hlaupabólu.