Aska og mold í lofti við Eyjafjallajökul

Breytingar á umhverfinu framan við Gígjökul eru gríðarlegar. Ekki þarf annað en að skoða myndir frá því að gosið í Eyjafjallajökli hófst til að sjá muninn.

Samkvæmt fréttinni eru yfirborð lónsins er 8 metrum neðar en núverandi farvegur fljótsins. Þetta er gríðarlegur munur. Hann má líklegast líka sjá fyrir neðan lónið og má ætla að neðri leiðin svokallaða sé djúpt undir möl og leir.

Í dag lagði ég leið mína austur og ætlaði að skoða Gígjökul og leiðina inn að honum. Mér var meinaður aðgangur af kurteisum björgunarsveitarmönnum úr Aðaldal í Þingeyjarsýslu. Þeir höðfu ekkert farið inn eftir og þekktu ekki staðhætti. Lítið á þeim að græða nema vonbrigði.

Við Þórólfsfell var annar björgunarsveitarbíll og meinaði fólki aðgang upp fyrir fjallið. Við félagarnir kunnum yfirvöldum litlar þakkir fyrir þessar lokanir. Skiljum í raun ekki tilganginn.

Meðfylgjandi mynd tók ég frá Þórólfsfelli. Hús sýnir svo sem ekkert annað en stór brot úr jöklinum og opið inn á milli jökulgarðanna í áttina að Gígjökli sem sést ekki vegna uppblástursins. 

Veðrið í dag var slæmt, hávaðarok og aska og mold í lofti. Greina mátti þó jökulinn og heyrðust í honum innantökurnar, dúndrandi sprengingar og læti. 

Gjörbreyting við Gígjökul

Athugasemdir

[Hörður B Hjartarson, 24.4.2010 kl. 18:39]

    Sigurður !

    Getur þú sagt mér eitt ; hvernig fer maður að því , að vera svo mikils metinn hjá bloggstjórnendum , að sama bloggfærsla birtist á tveim  stöðum í bloggyfirlitinu - þarf kannske FL-flokks skírteinið til að svo verði ?

    Það er ekki nærri alltaf sem mínar færslur birtast , og ef þær birtast , þá er það aldrei til langs tíma .

[Flosi Kristjánsson, 24.4.2010 kl. 21:48]

Góður póstur hjá þér, Sigurður.

Varðandi fyrirspurn um tíðni birtinga: Hef orðið þess var að eftir að ég hætti og nöldra, skammast og kveina á blogginu, eru pistlarnir mínir iðulega í topp átta flokknum daginn sem ég skrifa

Svo er kannski hægt að sækja um "tuð-kvóta" hjá ritstjórninni!!

[S i g u r ð u r S i g u r ð a r s o n, 24.4.2010 kl. 22:27]

Hörður. Því miður skil ég ekkert í athugasemd þinni, en það segir líklega meira um mig en þig.

Flosi. Bestu þakkir fyrir hólið þó ég átti mig ekki alveg á hvaða póst þú ert að ræða um. Nema þú eigir við bloggfærsluna. Hvað um það, hól er alltaf hól og ég nýt þess ágætlega.

[Flosi Kristjánsson, 24.4.2010 kl. 22:42]

Gaman að sjá umfjöllun um Goðaland og Þórsmörk.

[S i g u r ð u r S i g u r ð a r s o n, 24.4.2010 kl. 22:44]

Já, mæltu manna heilastur. En ég get nú líka fjallað um Esjuna og jafnvel Jörund í Vatnsdal. Hvort tveggja eru glæsileg fjöll.