Myndir af flóðinu úr Lóninu

Flóðið úr Gígjökli er gríðarlegt ef marka má vefmyndavél Vodafone sem staðsett er á Þórólfsfelli og er beint að jöklinum. Alveg meðólíkindum að geta horft á þetta.

 

Meðfylgjandi mynd var teknar rétt fyrir kl. 19:00. Nokkur þoka er þarna en sjá má greinileg hvernig aurvatnið streymir af krafti í gegnum skarðið. Aðstæður þarna eru óþekkjanlegar frá því fyrir gos.

 

Til samanburðar er hér mynd úr vefmyndavél Vodafone frá því kl. 15:16 í dag. Sjá má sláandi mun á þessum myndum. Aur og drulla er á neðri myndinni og á úr Lóninu rennu þar um.

 

Þetta sést ekki á efri myndinni. 

 

Og núna um 15 mínútur yfir 19 er Lónið tómt, bylgjan farin framhjá og líklegast að nálgast gömlu brúna yfir Markarfljótið

 .

Svæði rýmd vegna jökulhlaups

Athugasemdir

[Kidda, 15.4.2010 kl. 19:28]

Sæll, ertu nokkuð til í að gefa upp slóðina að myndavélinni.

Takk.

[S i g u r ð u r S i g u r ð a r s o n, 15.4.2010 kl. 19:29]

Sára einfalt: http://www.vodafone.is/eldgos. Hélt að allir vissu um þessa vefmyndavél.

[Helga R. Einarsdóttir, 15.4.2010 kl. 20:04]

Ég fæ ekki að sjá Þórólfsfell- bara Hvolsvöll og Valahnjúk?

[S i g u r ð u r S i g u r ð a r s o n, 15.4.2010 kl. 20:14]

Helga, þá ertu á rangri vefmyndavél. Þú ert áreiðanlega hjá Mílu en átt að vera hjá Vodafone, http://www.vodafone.is/eldgos.

[Helga R. Einarsdóttir, 15.4.2010 kl. 20:33]

Rétt Sigrður, ég er búin að finna þetta, en skyggnið er ekki mikið núna. Það er rétt, ég var hjá Milu: Takk.

[Emil Hannes Valgeirsson, 15.4.2010 kl. 20:37]

Lónið virðist ætla að fyllast af aur - og þá væntanlega til frambúðar.

[S i g u r ð u r S i g u r ð a r s o n, 15.4.2010 kl. 20:46]

Rétt. Allt breytist, landslagið hefur breyst svakalega til framtíðar og ekkert vitað hvernig hægt er að komast í framtíðinni inn í Þórsmörk og Goðaland.

[Óskar, 16.4.2010 kl. 02:23]

hef  nú einmitt verið að velta fyrir mer hversvegna ekki er eitt orð neinstaðar í fjölmiðlum um veginn inn í Þórsmörk.  Hann hlýtur að vera í tætlum ef ekki horfinn á löngum köflum.