Gígopin er suðvestan í toppgígnum

Skortur á myndum af hamförunum og afleiðingum þeirra er að verða yfirþyrmandi. Meðfylgjandi mynd er þó fengin úr vefmyndavél Mílu á Fimmvörðuhálsi og er greinilegt að öskufall er þar mjög mikið. Myndin var tekin kl. 10:38.

Neðri myndin var tekin nákvæmlega hálftíma áður. Á þessum myndum er mikill munur. skyggnið hefur greinilega farið versnandi.

Af þeirri mynd sem fylgir með fréttinni er greinilegt að gígopin eru suðvestan í gígnum. 

Neðst á myndinni er hvítt svæði, það er líklega Hámundur, efsti hluti Eyjafjallajökuls.

Lengst til vinstri er annað og smærra  svæði og það er ónafngreindur tindur, vestan við Hámund og sunnan við Guðnastein.

 

 

 

Sigdæld myndast í jöklinum

Athugasemdir

[corvus corax, 14.4.2010 kl. 11:48]

Áðan sagðir þú að gígopin væru greinilega norðaustan í gígnum en nú eru þau allt í einu greinilega suðvestan í gígnum. Þau hafa alltaf verið suðvestan í gígnum eins og kom strax fram á myndinni og allir sáu nema þú. Staðsetning þeirra suðvestan í gígnum skýrir hlaupið sem komið er í Svaðbælisá og rennur rétt austan við hlaðið á Þorvaldseyri og mun renna í sjó fram rétt vestan við Stóruborg. Þetta fatta þeir sem þekkja til staðhátta á svæðinu.

[Ásdís Sigurðardóttir, 14.4.2010 kl. 11:52]

Maður fylgist vel með.

[S i g u r ð u r S i g u r ð a r s o n, 14.4.2010 kl. 11:53]

Sæll Krummi. Finnst betra að það sé samræmi í fyrirsögn og texta. Einhverra hluta vegna setti ég norðaustan í fyrirsögn en í textanum var réttilega suðvestan. Nauðsynlegt að laga svona.

[S i g u r ð u r S i g u r ð a r s o n, 14.4.2010 kl. 11:55]

Ásdís. Ferlega óþægilegt að vera nappaður á þennan hátt. Var að laga þetta þegar Krummi datt inn með athugasemdina.

[corvus corax, 14.4.2010 kl. 12:46]

Góður! Ég tók eftir misræminu í fyrirsögninni og textanum og ákvað að stríða þér aðeins ...vonandi erfir þú það ekki við mig.

[S i g u r ð u r S i g u r ð a r s o n, 14.4.2010 kl. 13:02]

Jú, ég er svo hörundssár að ég mun leggja þig í einelti hvar sem ég sé þig og banna þig á blogginu mínu og alla þína ætt ... ;-)

[corvus corax, 14.4.2010 kl. 15:09]

...en guð launar fyrir hrafninn.