Vantar gleggri upplýsingar fyrir almenning

Séu jarðskjálftarnir að læðast austur yfir Fimmvörðuháls þá hlýtur það einfaldlega að að þýða að kvikuinnskotin eru orðin fleiri og jólatréið fyrir neðan er miklu umfangsmeira en látið er í skína.

Á meðfylgjandi þversniði er þetta fræga jólatré og kvikuinnskotið sem hljóp út undan sér og bauð góðan daginn á Fimmvörðuhálsi í stað þess að bresta út ofan við Steinsholtsjökul norðan í Eyjafjallajökli. Eru nú fleiri innskot á austurleið samkvæmt Haraldi Hólmara og valda þau óróanum?

Við höfum nokkrir verið að pæla í þessu þversniði, en kunnum sárafátt fyrir okkur í jarðfræði. Raunar stendur þversniðið þvert í okkur. Niðurstaðan er sú að það yrði ansans ári gott ef hægt væri að fá þversniðið með norður suður stefnu. Þá kæmi kannski eitthvað í ljós sem vert væri að tala um. 

Eða hvað segja jarðfræðingarnir? 

Jarðskjálftar læðast austur

Athugasemdir

[Óskar, 9.4.2010 kl. 20:07]

Sé það rétt sem Haraldur gefur í skyn að kvikuinnskot til austurs valdi þessu þá blasir við stórhætta sem sést ágætlega á skíringarmyndinni, að innskot nái að snerta súra gúlinn undir Goðabungu.  Þá verður hvellsuða í þessum blessaða gúl sem endar sennilega í plínísku sprengigosi svipuðu og í Öskju 1875.  Núlifandi kynslóðir á Íslandi hafa aldrei séð neitt sem líkist slíkum hamförum.