Köllum svona fólk réttum nöfnum

Er ekki í lagi að fara að kalla þetta fólk sínum réttu nöfnum? Hér eru áreiðanlega ekki um „mótmælendur“ að ræða heldur fólk sem kemur af allt öðrum hvötum og miður geðslegum.

Það er alveg ljóst að fólk sem vill tjá sig um efnahagsþreningar þjóðarinnar kemur ekki saman síðla laugardagskvölds. Held að flestir geti nú séð í gegnum svoleiðis skrum.

Að sjálfsögðu á lögrelgan að hreinsa til á torginu, leyfa þessu fólki að hvíla sig á kostnað skattborgaranna.

Enn reynt að kveikja eld

Athugasemdir

[TARA, 15.2.2009 kl. 00:36]

Skil bara ekki tilganginn með svona fíflagangi...þetta kallast nú brennuvargar í minni sveit...þá mæli ég frekar með pottum og pönnum og öðru glamri..en að kveikja eld vísvitandi ber að mínu mati vott um fávitaskap.. 

[Ragnheiður J. Sverrisdóttir (IP-tala skráð) 15.2.2009 kl. 00:42]

Nákvæmlega. Algjörlega sammála.

[Tryggvi Hjaltason, 15.2.2009 kl. 00:52]

madur er ordinn fullthreytur a ad sja svona fiflagang lidinn

[Helgi Jóhann Hauksson, 15.2.2009 kl. 02:39]

Þetta eru reyndar háskólanemar félgar í samtökunum Öskra. - Flest hið efnilegasta fólk og hefur skilað fullum námsárangri og stendur fyrir sínu.

[Einar Axel Helgason, 15.2.2009 kl. 02:59]

Rétt er það, minn kæri Sigurður, að fólkið sem þarna mótmælir (fyrir vöntun á betra orði) er tæpast með því að tjá sig um efnahagsþrengsl þjóðarinnar – sem slík. Fólkið sem finnur slíkan hita hjá sér að mæta við þessar aðstæður er trúlegast að tjá sig um eitthvað í miklu stærra samhengi. Að trúa því að mótmæli síðasta mánaðar og þessa hafi að mestu snúist um að snúa við efnahagskreppunni sem slíkri ber bæði vott um barnaskap og þónokkra þrjósku.

[Hörður Einarsson, 15.2.2009 kl. 03:16]

Aðeins eitt orð SKRÍLL!!

[Helgi Jóhann Hauksson, 15.2.2009 kl. 04:08]

Skríll skal hann heita lýðurinn sem rændi þessa þjóð og gaf ræningjum eigur okkar - skríll skal hann heita Sjálfstæðisflokkurinn og allt hans þý.

[Hvumpinn, 15.2.2009 kl. 04:11]

Held að það sé óhætt að hreinsa þetta Öskrandi lið út úr Háskólanum, óþarfi að það sé að dunda sér á kostnað skattborgara

[Eva Hauksdóttir (IP-tala skráð) 15.2.2009 kl. 05:13]

Þessi aðgerð var kynnt sem hávaðapartý á vegum Öskru, félags byltingarsinnaðra stúdenta. Hún er svar við þeim gjörningi lögreglunnar að taka frá almenningi eina vopnið sem hann hefur hingað til beitt með árangri, þ.e. hávaðann. Skilaboðin eru þessi; takið af okkur þokulúðra, gjallarhorn eða annað sem við notum til að ná til þeirra sem hafa brugðist okkur, við munum ekki láta það stoppa okkur, við munum berja potta, brenna spýtnabrak og dansa á götunni hvenær sem okkur finnst ástæða til. Við munum öskra og þið getið ekki þaggað niður í okkur.

Þessari aðgerð er beint sérstaklega gegn lögreglunni, fyrir stöðva hávaða frá þokulúðri, sem gekk án vandræða í 5 daga í búsáhaldabyltingunni. Það er með ólíkindum að um leið og Davíð Oddsson verður pirraður skuli lögreglan æða af stað og handtaka mann, fyrir engar sakir aðrar en þær að trufla hans hátign í því að halda áfram að klúðra fjármálum þjóðarinnar. Það er engan veginn hægt að sætta sig við slík inngrip lögreglu í friðsamlegar en háværar mótmælaaðgerðir.

[Guðmundur Björn, 15.2.2009 kl. 16:05]

Helgi ertu þú skríll?  Hvernig veist þú svona mikið um þetta lið?  Ertu eitthvað sár? Gjaldþrota og kennir Davíð Oddssyni um og Sjálfstæðisflokknum auðvitað?