Er Samfylkingin gjörsamlega heyrnarlaus og minnislaus?

Man þessi Össur ekki neitt? Var það ekki Samfylkingin, formaður hennar, Össur og fleiri þingmenn sem héldu því fram að stjórnarsamstarfi við Sjálfstæðisflokkin væri sjálfhætt myndi landsfundur hans hafna aðildarviðræðum um inngöngu í ESB?

Sjálfstæðisflokkurinn hefur verið að vinna að undirbúning þess að ræða ESB aðild á næsta landsfundi. að hefur ekkert breyst. Vandað hefur verið til undirbúningsins og má fullyrða að enginn flokkur hafi rætt þetta mál betur. Hins vegar sýnist mér að pólitík Össurar og annarrra Samfylkingarmanna sé orðin svo stæk að mikill meirihluti landsfundarins mun hafna aðildarviðræðum.

Ég hef hingað til verið afar tvístígandi í þessum málum en hallast nú helst að því að við eigum að láta ESB algjörlega eiga sig í bili.

En hvar standa Vinstri grænir? Hvaða hænufet hafa þeir stigið í áttina að ESB? Því er fljótsvarað, ekkert, alls ekkert! Samfylkingin hefur ekki heldur krafst eins eða neins varðandi ESB af VG, stjórnarsamstarfinu er ekki sjálfshætt vegna ESB, engar kröfur eru um krónuna, engar kröfur eru um Evru. Samfylkingin er gjörsamlega minnislaus og heyrnarlaus.

VG mun aldrei samþykkja inngöngu inn í ESB, miklu minni líkur eru á því en að Sjálfstæðisflokkurinn samþykki inngönguna. 

Eitt hænufet til Evrópu

Athugasemdir

[Skúli Víkingsson, 12.2.2009 kl. 14:41]

Sæll frændi. Ég vona að afstaða Sjálfstæðisflokksins til ESB aðildar verði ekki mótuð af því hvernig Samfylkingin lætur í það og það sinnið. Kostur við aðild er nánast aðeins einn og gallinn líka nánast einn. Minni mál koma þarna við sögu líka, en aðalatriðin eru þessi:

Yfirráð ESB yfir íslenzkum sjávarútvegsmálum, ákvörðun heildarafla o.þ.h. kemur ekki til greina.

Með aðild yrðum við hluti hópsins en ekki "aðkomumaðurinn" sem allt er fundið til foráttu.

mbk Skúli

[S i g u r ð u r S i g u r ð a r s o n, 12.2.2009 kl. 14:52]

Gott að heyra frá þér, frændi. Ég hef aldrei skilið það sem svo að umræðan um ESB í Sjáflstæðisflokknum tengdust á nokkurn hátt þessum heimskulegu ummælum Ingibjargar og annarra krata um stjórnarsamstarfið sem var. Hisn vegar skiptir umræðan verulegu máli vegna stöðu efnahagsmála, krónunnar og annars.

 Er fyllilega sammála þér um sjávarútvegsmálin. 

[Skúli Víkingsson, 12.2.2009 kl. 15:21]

Sérsamningur um sjávarútvegsmál gæti byggzt á því að hafsvæði ESB er samhangandi en tengist hvergi íslenzka hafsvæðinu. Ef íslenzkur sjávarútvegur á að leggjast í ESB púkkið (sukkið) þá er svarið fengið og við getum látið vera að pæla meira í ESB-aðild og værum þá allnokkru fróðari.

[S i g u r ð u r S i g u r ð a r s o n, 12.2.2009 kl. 15:37]

Vandinn er hins vegar sá að líklega verður boðið upp á undanþágur frá sjávarútvegsstefnu ESB, kannski til tíu ára, en síðan verður allt sama púkkið. Það gengur ekki.

Um þetta er þó ekkert hægt að fullyrða. Hins vegar verður seint sátt um ESB fyrr en við látum reyna á viðræður og niðurstaðan verði lögð undir þjóðaratkvæðagreiðslu, rétt eins og Norðmenn gerðu í tvígang.