Ómerkileg tilraun til að þykjast

Þessi þingkona Framsókarnflokksins getur þanið sig, blótað og rifið fram og til bak og þóst uppfull heilagri reiði. Hún veit betur. Hún veit að hver og einn mótmælandi ber ábyrgð á sjálfum sér. Enginn er í hættu þó þingfundur sé haldinn. 

Nú ætla einhverjir þingmenn að ríða á öldufaldi mótmæla og þykjast nú vera í sama liði. Tengslin við fortíðina verða þó ekki rofin. Framsóknarflokkurinn ber ábyrgð á stöðu mála rétt eins og aðrir flokkar og ábyrgð Helgu Sigrúnar Harðardóttur, þingmanns, er ekki lítil.

Munnsöfnuður hennar er henni ekki til sóma hvað þá sú tilraun hennar að reyna að skilja sig frá öðrum þingmönnum og vera á bandi mótmælenda. Ábyrgð hennar er jafnmikil fyrir því. Ef við eigum að sparka þingmönnum þá flýgur Helga Sigrún líka. Og farið hefur fé betra. 

Helvítis lyddugangur

Athugasemdir

[Helga Sigrún Harðardóttir, 20.1.2009 kl. 16:26]

Þakka þér kveðjuna Sigurður. Þú ert sumsé á því að reglur um orðfæri og ræðutíma í þinginu skipti meira máli en að leita lausna á vanda heimilanna, fyrirtækjanna og að verja það sem skiptir mestu máli. Mér þykir leitt að heyra það. Ábyrgð mín á fortíðinni er hins vegar frekar lítil svona í samanburði við margt annað hér, en ég hef ég setið í þinginu í nákvæmlega 10 vikur í dag. Og ef það er ekki sómasamlegt að leggja sitt af mörkum til að leita lausna og kalla eftir lausnum sem virðast pikkfastar í pípunum eða jafnvel ekki til, þá veit ég ekki hvað það ætti að vera. Með bestum kveðjum, Helga Sigrún

[S i g u r ð u r S i g u r ð a r s o n, 20.1.2009 kl. 16:40]

Þakka þér fyrir athugasemdina.

Fyrir alla muni ekki leggja mér orð í munn. Ég hef hvergi sagt að orðfæri og ræðutími í þinginu skipti meira máli en eitthvað annað. Það er þér ekki til sóma að ætla það að annað hvort sé maður fylgjandi þessu en ekki hinu. Málin eru ekki svona einföld. Lestu bara það sem ég hef skrifað inn á þetta blogg. Þú mátt ekki búa til vondan kall þó hann gagnrýni þig, það er ómálefnalegt og ósanngjarnt.

Hins vegar má krefjast þess af alþingismönnum að þeir gæti orðfæris og sýni stillingu.

Útgangspuntkurinn í blogginu er þó þessi: Helga Sigrún Harðardóttir er að notfæra sér mótmælin. Er það ekki rétt?