Segir meira um ræðumanninn en ráðherrann

Lítur út fyrir að þrátt fyrir góða vináttu kjósi Sigurbjörg Sigurgeirsdóttir að snúa út úr orðum utanríkisráðherra og stinga hana í bakið. Ef til vill segir þessi atburður miklu meira um ræðumanninn en ráðherrann. Nema einhver kjósi að snúa málum á þann veg að ráðherrann hafi viljað þagga niður í ræðumanninum. Trúi því hver sem vill.

Ingibjörg Sólrún kom boðum til Sigurbjargar

Athugasemdir

[Ragnar Gunnlaugsson, 13.1.2009 kl. 18:33]

Þó ég sé nú ekki aðdáandi Ingibjargar,þá finnst mér þetta lákúra af ræðumanni af verstu tegund.

[Halla Rut , 13.1.2009 kl. 19:20]

Hvað þarf til að sumir opni augun og sjái sannleikann sem hann er.

Eitthvað hefði verið annað sagt ef ráherra sjálfstæðisflokksins hefði verið sökudólgurinn. Ekki heyrðum við neitt um ómerkilegheit ræðumannsins er fólk hélt þetta ver Guðlaug.

Merkileg.

[Anna Guðný , 13.1.2009 kl. 19:45]

Veit ekki betur en að ég hafi heyrt og lesið ýmislegt um Guðlaug í dag og gær.

En ég er sammála þér þarna. Veit þó ekki hvað Sigurbjörg var að meina. Í versta falli varla hægt að leggjast lægra en að skjóta á manneskju sem liggur á sjúkrabekk erlendis, en í besta falli, kannski bara var hún einmitt að meina það eins og Ingibjörg sagði það. Að ástandið í þjóðfélaginu væri orðið svoleiðis að allir þyrftu að tipla á tánum.

[Ragnar Gunnlaugsson, 13.1.2009 kl. 20:17]

Já það hefði nú aldeilis orðið hvellur ef, þetta hefði reynst vera Guðlaugur Þór

[Jóhanna Magnúsar- og Völudóttir , 13.1.2009 kl. 23:20]

Auðvitað veldur það miklu meiru spennu í upphafi ræðu að það sé "ónefndur ráðherra" sem hefur sagt henni að fara varlega. Af hverju sagði hún ekki að Ingibjörg Sólrún hefði sagt henni að fara varlega? Og var hún kannski viljandi að rangtúlka ráð vinkonu sinnar, eða kannski fyrrv. vinkonu núna?

Er það hótun ef vinkona segir manni að fara varlega? Jafnvel/þrátt fyrir að vinkonan sé ráðherra. Ég held það séu virkilega tvær hliðar á þessu máli. Fólk á að sjálfsögðu að tala út, en ef það ætlar að gera það á ekki að tala undir rós eða eins og á miðilsfundi;  "Dökkhærður maður á fimmtugsaldri varaði mig við" .. fólk fer að stilla "sökudólgnum" upp og reikna út hver "sá seki" er, og við vitum framhaldið.. Ingibjörg varð sjálf að stíga fram (úr rúminu)  til að "hreinsa" heilbrigðisráðherra af áburðinum.

Svo talar fólk um Sigurbjörgu sem hetju

Annars góðar kveðjur héðan!

[S i g u r ð u r S i g u r ð a r s o n, 14.1.2009 kl. 08:26]

Þakkir fyrir innlitið, kæra Jóhanna. Snyrtilega orðað. Mér sýnist nú að vinkonan sé búin að fórna vináttu fyrir stundarfrægð í fjölmiðlum. Ill skipti það.

[Guðmundur Björn, 14.1.2009 kl. 10:33]

Þetta er meiri vinkonan.  Tækifærissinni og segir margt um heilindi hennar almennt. 

Ætli þau sem froðufelldu á bloggsíðum og á fréttablogginu í gær muni draga orð sín tilbaka gagnvart Guðlaugi Þór? Móðursýkin var svo fáránleg á fundinum, þegar fólk heimtaði nafnið á ráðherranum og vonaðist svo mikið til að hún nefndi Guðlaug Þór.

Vil benda á þetta jútúb myndband úr The Holy Grail:  http://www.youtube.com/watch?v=zrzMhU_4m-g

Það sýnir margt um hegðun Íslendinga í dag.  

[Héðinn Björnsson, 14.1.2009 kl. 12:07]

Sigurbjörg á hrós skilið fyrir að þora að koma fram undir nafni og tala gegn þöggun líka þegar það kemur úr hópi hennar eigin liðsmanna. Allir sem telja að um huggulegt vináttuspjall ættu að hafa hugfast að þessi skilaboð komu frá þriðju persónu sem jafnvel er haldið fram að hafi setið á fremsta bekk á sama fundi. Svona mafíutaktar eru með öllu ólíðandi og þeir sem vilja láta taka sig alvarlega sem hluta af breytingum Íslands til hins betra verða að fordæma svona vinnubrögð.

[S i g u r ð u r S i g u r ð a r s o n, 14.1.2009 kl. 13:08]

Ég er ekki alveg sammála þér í þetta sinn, Héðinn. Ef ég væri ráðherra og hefði samband við þig þá mætti það kallast einhvers konar „þöggun“. En hvað eigum við að kalla það þegar tveir vinir ræða saman og sá sem er ráðherra biður hinn um að stíga gætilega til jarðar? Ég er ekki svo viss um að við getum fullyrt neitt með tilganginn. Niðurstaðan er þá kannski sú að best sé að vera ekkert í upphafi með neina umhyggjusemi gagnvart vininum.