324 milljarða hagnaður ríkissjóðs á tíu árum

Miðað við stöðu mála gæti það virst talsverð bjartsýni að afgangur verði næst af rekstri ríkisins árið 2013. Og fjögur ár eru langur tími í stjórnmálum.

Frá því 1998 hefur ríkissjóður verið rekinn með 324 milljarða hagnaði. Stór hluti af þessum tekjum hefur eflaust komið frá bankastarfsemi, þ.e. starfsemi einkabankanna gömlu. Svo svakalegar skattekjur munu eflaust ekki skila sér að óbreyttu í ríkissjóð. Hins vegar er ljóst að gríðarlegur halli á ríkissjóði ætti ekki að vera það vandamál sem margir óttast svo framarlega sem hann skili sér í uppbyggingu hér innanlands - verðmætasköpun.

Svo má alveg minna á að bankakreppan er ekki séríslenskt fyrirbrigði, hún á rætur sínar í alþjóðlegri bankakreppu sem virðist nú vera orðin að mikilli efnahagslægð eða kreppu. Í umræðu dagsins virðist sem að þetta sé ekki öllum ljóst.

Ríkissjóður í jafnvægi 2013

Athugasemdir

[Héðinn Björnsson, 14.1.2009 kl. 11:59]

Sá hagnaður er sýndarhagnaður. Hvert einasta ár þennslunnar var hið opinbera rekið með halla. Þó ríkissjóður hafi getað greitt niður sín lán juku bæði sveitarfélögin og fyrirtæki í samfélagseigu lánatöku sína langt umfram það sem ríkissjóður greiddi niður. Stefna samfélagsins hefur verið algerlega anti-kaynesísk og þess vegna erum við svo illa undirbúin undir það áfall sem nú dynur yfir okkur. Betra hefði verið að spara fé á þennslutímum og svo vera tilbúin að fara í Kárahnjúkavirkjarnir á tímum samdráttar.

Þegar ekki farið vel með uppskeruna að hausti er líklega fátæklegt umhorfs að vori.

[S i g u r ð u r S i g u r ð a r s o n, 14.1.2009 kl. 13:04]

Nokkuð sannfærandi rök hjá þér Heðinn. Bestu þakkir fyrir að kommentara hjá mér nokkrum sinnum í dag, met það mikils.