Fagna ber afdráttarlausri yfirlýsingu

Formaður Samfylkingarinnar gengur nú fram fyrir skjöldu með afdráttarlausa yfirlýsingu sem er nákvæmleg hin sama og formaður Sjálfstæðisflokksins hefur þegar lýst yfir. Þannig eiga menn að vinna saman. Væntanlega verður þetta til þess að slá á taugaveiklun tveggja ráðherra Samfylkingarinnar og annarra stjórnarþingmanna sem virðast hafa farið á límingunum undanfarnar viku.

Ríkisstjórnin hefur tuttugu þingmanna meirihluta. Verkefni hennar eru gríðarlega. Nú eiga stjórnarþingmenn að snúa bökum saman, hætta öllum hráskinnaleik og vinna fyrir þjóðina, rífa hana upp úr þessari andskotans kreppu. Fyrir það fá þeir laun og ekkert annað.

Svo má alveg fullyrða það að þingmenn hafi almennt ekki staðið vaktina og þess vegna sé staðan eins slæm og hún er. Sé það rétt þá leggst enn þyngri krafa á þingmenn að þeir standi sig núna á þessum síðustu og verstu tímum.

Athugasemdir

[Viðar Friðgeirsson, 21.11.2008 kl. 11:10]

Heyr, heyr. Sammála. Hætta þessu bulli um kosningar og ESB/Evru núna og fullan þunga og einbeitingu í björgunaraðgerðir. Siðan skoðum við framtíðarplön. Sameinuð stöndum við (þetta af okkur). Sundruð föllum við, (í gin þeirra sem vilja útrýma okkur sem þjóð)

[Sævar Einarsson, 21.11.2008 kl. 11:16]

Kosningar koma víst til greina, þið ráðið ekki yfir vilja meirihluta þjóðarinnar !

[S i g u r ð u r S i g u r ð a r s o n, 21.11.2008 kl. 11:19]

Hverjir eru „þið“? Kosningar koma ekki til greina meðan báðir stjórnarflokkarnir eru sammála um að starfa til loka kjörtímabilsins. Lýðræðislegra getur það ekki verið.

[Sævar Einarsson, 21.11.2008 kl. 11:21]

Við erum fólkið í landinu, frá hvaða stjörnukerfi ert þú ?

[S i g u r ð u r S i g u r ð a r s o n, 21.11.2008 kl. 11:24]

Fyrirgefðu, en ég er hluti af fólkinu í landinu og ég tel að ekki þurfi að boða til kosninga. Ljóst er því að ekki eru allir á eitt sáttir um að boða þurfi til kosningar.