Ofbeldi er ekki lýðræðislegt

Mótmæli sem leysast upp í ofbeldi á eignum annarra eru jafn slæm og bankahrun og efnhagsástand sem valdið hefur fjárhagslegum skaða.

Ég velti því fyrir mér hvað myndi gerast ef einhver meintra sökuldólga í bankamálunum mynd sýna sig á Austurvelli. Myndi lýðurinn ganga í skrokk á þeim? Gæti forsætisráðherra og viðskiptaráðherra verið óhultir meðal mótmælenda? Ef ekki þá er þessi fundur einskis virði.

Ofbeldi og skemmdarverk heyra ekki til lýðræðislegra aðgerða og munu aldrei gera það.

Geir Jón: Lítið má út af bregða

Athugasemdir

[Neddi, 8.11.2008 kl. 17:53]

Hvaða ofbeldi var framið þarna? Hvaða skemmdarverk voru framin?

Ef þú getur ekki svarað því þá get ég það. Ekkert ofbeldi var þarna og engin skemmdarverk voru framin. Það var nokkrum eggjum og einhverju af mjólkurvörum kastað í alþingishúsið en það skolast af í næstu rigningu.

[S i g u r ð u r S i g u r ð a r s o n, 8.11.2008 kl. 19:45]

Hver hélt því fram að ofbeldi hefði verið framið á Austurvelli? 

[Vésteinn Valgarðsson, 9.11.2008 kl. 01:02]

Það væri athyglisvert að sjá skemmdarvarga sem gæti skemmt eitthvað í líkingu við það sem auðvaldið og ríkisstjórnin hafa skemmt hérna undanfarnar vikur.