Hrikalega fáir sjómenn greiða atkvæði

Aðeins 54% sjómanna greiddu atkvæði um nýjan kjarasamning við útgerðarmenn. Það er stórfurðulegt að ekki skuli fleiri hafa kosið. Reyndar er það út í hött að launþegum sé ekki skylt að greiða atkvæði um kjarasamning.

Af 2.214 manns sem voru á kjörskrá samþykktu 623 samninginn en 558 voru á móti. 

Það eru engin smáræðis hagsmunir undir í þessari launadeilu, ekki aðeins fyrir sjómenn og útgerðamenn, heldur fyrir fjölda annarra fyrirtækja og launþega.

Um 28% sjómanna samþykktu samninginn. Hefði það verið réttlætanlegt ef 28% sjómanna hefðu hafnað honum?

Svona aðferðafræði er verulega biluð.

Samþykktu samninginn naumlega

Athugasemdir

[Ómar Ragnarsson, 19.2.2017 kl. 23:50]

Þetta er galli lýðræðisins en það er ekki hægt að skylda fólk í frjálsu samfélagi til að greiða atkvæði og ekki heldur að segja að 72 prósent hafi verið á móti samningnum af því að aðeins 28% ljáðu þeim atkvæði.  

Enginn veit hvernig þeir, sem komu ekki á kjörstað, hefðu greitt atkvæði.  

Þeir, sem ekki greiddu atkvæði, ákváðu með því að láta aðra um að taka ákvörðun í því fyrir sig. 

Þess vegna er rangt að flagga alltaf prósentutölu miðað við alla á kjörskrá og véfengja með því úrslitin. 

Ef það er gert greiddi minnihluti á kjörskrá atkvæði með því að Ísland yrði frjálst og fullvalda ríki 1918 og sömuleiðis hafa allir forsetar Bandaríkjanna verið kosnir með minnihluta þeirra, sem voru á kosningaaldri. 

[S i g u r ð u r S i g u r ð a r s o n, 19.2.2017 kl. 23:55]

Rétt, Ómar. Miðað við alla þá hagsmuni sem eru í húfi er þetta samt verulega biluð aðferðafræði.

[Halldór Egill Guðnason, 20.2.2017 kl. 17:46]

Upphafssetningu Òmars er haegt ad hafa um allar kosningar. Medal annars um stjornarskrarkosninguna og kjôr thriggja sìdustu forseta lydveldisins.

Kjôrsòknin var hôrmuleg hjà sjòmônnum, thad er rètt og àhyggjuefni ì sjàlfu sèr. Samningurinn var hinsvegar samthykktur um midnaetti à laugardegi og kosning stòd mjôg stutt à sunnudeginum.

Godar stundir, med kvedju ad sunnan.