Þorvaldur Gylfason notar gleraugu og ...

Margir af helstu glæpamönnum og mannorðsmorðingjum heims notuðu og nota gleraugu. Þorvaldur Gylfason notar líka gleraugu. Af þessu má draga ákveðna ályktun sem þó er út í hött en myndi ábyggilega þjóna ákveðnum tilgangi.

Þessi Þorvaldur Gylfason sem hér er nefndur er prófessor í hagfræði við Háskóla Íslands. Hann skrifar fastan dálk í Fréttablaðinu og er oft óvandaður í skrifum sínum og skepnuskapurinn ríður þar sjaldnast við einteyming.

Í blaði dagsins skrifar Þorvaldur grein undir fyrirsögninni „Segulbandasögur“. Þar er skrifar hann um lögbrot Richard Nixons, Bandaríkjaforseta. Hann þurfti að segja af sér embætti þegar upp komst um aðild hans að Watergat-málinu. Saga Nixons þykir sérstaklega merkileg vegna þess að hann misbeitti valdi sínu sem forseti og er eini forsetinn sem hefur verið knúinn til að segja af sér.

Hin sagan sem Þorvaldur rifjar upp og setur í beint samhengi við lögbrot og siðferði Nixons er af samtali Geirs H. Haarde, þáverandi forsætisráðherra, og Davíðs Oddssonar, þáverandi Seðlabankastjóra. Þeir tveir ræddu saman í síma þegar bankarnir hrundu þann 6. október 2008. Samtalið ku hafa verið tekið upp í símkerfi Seðlabankans og er þar varðveitt en efni þess hefur ekki verið opinberað.

Nú mega menn hafa þá skoðun sem þeir vilja á Nixon. Sömuleiðis getur Þorvaldur haft þá skoðun sem hann vill á ástæðum bankahrunsins og þeim aðgerðum sem þá var gripið til. Ljóst má þó vera að bæði forsætisráðherra og ekki síst Seðlabankastjóri unnu þá þrekvirki ásamt samstarfsfólki sínu og tryggðu að gjaldþrota bankarnir voru endurreistir og þjónuðu þjóðinni ágætlega á þessum erfiðu tímum.

Óvild Þorvaldar Gylfasonar á Sjálfstæðisflokknum er orðin svo megn að hann líkir uppbyggingarstarfi í bankahruninu við niðurrif bandarísk forseta. Hið eina sem þessar tvær sögur eiga sameiginlegt er upptökur af samtölum.

Þorvaldur Gylfason notar gleraugu. Fjöldi mannorðsmorðingja og glæpamanna nota gleraugu. Þar með er ekki sagt að maðurinn stundi glæpi né ráðist gegn æru fólks. Um hið síðarnefnda má vissulega deila. 

Önnur myndin er af fjöldamorðingjanum Denis Nilsen.

 

Athugasemdir

[Haukur Kristinsson (IP-tala skráð) 15.12.2016 kl. 14:46]

Hver er eiginlega þessi Sigurður Sigurðsson sem ausir yfir menn eindæma óhroða, jafnvel af verri sort er Nýrasistar gera?

[Þorsteinn Siglaugsson, 15.12.2016 kl. 15:19]

Ég las einmitt þessa grein Þorvaldar og líkt og þér var mér alveg fyrirmunað að sjá hver tengingin ætti að vera. 

Ég veitti því hins vegar athygli að í þessari grein var held ég engu orði vikið að "nýju stjórnarskránni", sem Þorvaldur hefur verið algerlega heltekinn af undanfarin ár og tekist að tengja hinum fjarskyldustu málum í fyrri greinum sínum - eiginlega alltaf bara held ég.

[S i g u r ð u r S i g u r ð a r s o n, 15.12.2016 kl. 15:29]

Sæll Þorsteinn. Já, fyrir mér fór eins og þér. Ég skildi ekki samhengið en þótti góð nýlunda að ekkert var um „nýju stjórnarskránna“ ...

[Steindór Sigurðsson (IP-tala skráð) 15.12.2016 kl. 18:48]

Maður getur nú ekki orða bundist. Ég vil byrja á að mynna á að Þorvaldur Gylfason er að mínu mati, einn sá alklárasti maður sem Íslenska þjóðin á og hann var einn af þeim fáu sem sá hrunið fyrir.

En Þorsteinn og sérstaklega Sigurður, þið skiljið ekki þessa samlíkingu vegna þess að þið sjáið ekki samhengi hlutanna. Það var þessi sama persónan, þessi bankastjóri sem þið haldið að hafi öllu bjargað sem einkavæddi bankana þá sem Forsætisráðherra. Einkavæðingin, þenslan og hrunið, þetta var allt planað í þeim eina tilgangi að strippa almenning off. Og það þýðir ekkert að segja að kreppan hafi verið alþjóðleg, því ef við miðum við Tælenska bathið þá féll Bandaríkjdollar um 25% en Íslenska krónan um 150% mismunurinn er í boði þeirra sem einkavæddu bakana. Ætla menn endalaust að berja hausnum við steininn.

[Elle_, 16.12.2016 kl. 08:58]

Alklárasti?  Maðurinn er stórvafasamur.  Hann líkti fullveldissinnuðu fólki sem vildi ekki inn í ESB samfylkingarmanna við glæpamenn og talaði harkalega fyrir að íslenska ríkið tæki á sig ICEsave.