Ómarshraun

Styð að hraunið verði nefnt í höfuð Ómari Ragnarssyni. Alveg til fyrirmyndar að sýna góðum manni, náttúruunnanda og mannvini slíkan sóma.

Fordæmi eru á þessum slóðum fyrir að gefa stöðum nöfn eftir ákveðnum mönnum. Nefna má Wattsfell (Vatnsfell), Þorvaldartind, Jónsskarð, Grímsvötn, Grímsfjall, Bárðarbunga, Eggert og líklega mörg fleiri. 

Hitt má um deila hvort Ómarshraun þyki frekar óvirðulegt. Verra væri þó að nefna gígana Ómarsgíga, því þeir kulna og deyja út, eða Ómarsflæður, Ómarssandur, Ómarssprunga o.s.frv. 

Verður hraunið nefnt Litla-Hraun?

Athugasemdir

[Sveinn R. Pálsson, 2.9.2014 kl. 14:38]

Flott hugmynd.

[Rafn Haraldur Sigurðsson (IP-tala skráð) 2.9.2014 kl. 16:40]

Góð hugmynd, styð þetta heilshugar.

[Halldór Egill Guðnason, 2.9.2014 kl. 17:53]

Thetta steinliggur.

Kominn tími til ad nefna eitthvert af náttúrufyrirbaerum thessa lands í höfudid á theim manni sem hvad mest hefur fraett okkur saudsvartan almúgann, um náttúru landsins okkar og fólkid sem thar býr.

[Jóhannes Laxdal Baldvinsson, 2.9.2014 kl. 18:29]

Hitt má um deila hvort Ómarshraun þyki frekar óvirðulegt.

Ómar heitir líka Þorfinnur ef ég man rétt. Hvort Þorfinnshraun væri virðulegra geri ég mér ekki grein fyrir en finnst löngu tímabært að veita Ómari varanlega viðurkenningu fyrir hans framlag til náttúrukynningar og náttúruverndar.

[Eyjólfur Jónsson, 2.9.2014 kl. 20:01]

Frábært!! enda var hann glöggur þegar hann sveimaði þarna fyrir ofan "gosið"  og reiknaði út með sínum flugmanns og náttúrureynslu að þarna og hvergi annarsstaðar væri gos. Og þarfyrir utan á hann inni hjá okkur að fá eitthvað stórt og fallegt kallað eftir sér.Það ómar vel í mínum eirum.

[Heimir Lárusson Fjeldsted, 2.9.2014 kl. 21:30]

Vonandi verða ekki teknar ákvarðanir í fljótfærni.

[Hrólfur Þ Hraundal, 2.9.2014 kl. 23:07]

Fráleit hugmynd.  Gosið er í Holuhrauni,  og þó oft hafi gosið í í Heklu þá hafa menn ekki fundið hjá  sér hvöt til að breytta nafni hennar.  

Það er óþarfi að tapa sér eins og fréttamaður með andarteppu fyrr en þessu er lokið.

 Svo finnst mér það vanvirðing við það fólk nefndi þetta Holuhraun að þetta nafn verði bara slegið af eins og hvert annað gamalt rusl.   

Þar fyrir utan þá má Ómar hafa þá virðingu sem vilji er til að sína honum.

[Stefán Þ Ingólfsson, 3.9.2014 kl. 06:45]

Mér datt í hug vegna staðsetningar hraunsins að kalla það Vatnaskilahraun og hamfarirnar Ómarselda.