Engar undanþágur en Össur skilur það ekki

„Sannast sagna er yfirlýsing Ágústs Þórs um að viðræðunum sé sjálfhætt af því Íslendingar fái engin frávik frá stífustu reglum ESB augljóslega byggð á misskilningi eða vanþekkingu.“ 

Hversu mörg rök sem lögð eru fram sem sýna að ESB gefur ekki undanþágur fyrir umsóknarríki þá koma ESB sinnar hér á landi með eitthvað sem á að sanna hið gagnstæðna. Ofangreind tilvitnun er úr viðtali við Pressuna.

Honum finnst hitt og þetta og allt er byggt á misskilningi en rökin vantar. Einstakir samningamenn hafa haft hitt og þetta á tilfinningunni og Össur vill að Íslendingar standi í lappirnar.

Á meðan segir Stefan Fühle stækkunarstjóri ESB að undanþágur komi ekki til greina. Og það sagði hann á frægu blaðamannafundi þar sem Össur var sjálfur viðstaddur. 

Hvað þarf til að Össur Skarphéðinsson og aðrir ESB sinnar skilji talað og ritað mál frá sjálfu Evrópusambandinu?

Athugasemdir

[Kristján B Kristinsson (IP-tala skráð) 3.3.2014 kl. 13:18]

þeir skilja þetta alveg, en meðan þeir geta selt hluta þjóðarinnar þetta maðkaða mjél og hangið í sínum þingsætum þá gera þeir það.

[Hans Haraldsson (IP-tala skráð) 3.3.2014 kl. 13:31]

Skv. Björg Thorarensen var það vonarstjarna viðræðunefndarinnar að við gætum fengið viðurkenningu sem vanþróað útnárasvæði og í krafti þess náðarsamlegast fengið heimild til að sækja um verndarráðstafanir til nokkurra ára í senn.

[Ásthildur Cesil Þórðardóttir, 3.3.2014 kl. 14:27]

Ég tel að Össur viti þetta mjög vel, þetta er bara svo óþægilegt, og af hverju halda menn að hann hafi fyrst hægt á ferlinu og síðan sett það á ís. Hann sá auðvitað í hendi sér að málið var dautt, of mikið bar á milli, og Íslendingar hefðu aldrei samþykkt að færa yfirráð stjórnunar fiskveiða til Brussel.

[Bjarni Jónsson, 3.3.2014 kl. 21:13]

Inngönguferlið strandaði með rýniskýrslu ESB um landbúnaðar- og sjávarútvegsmál, sem ríkisstjórn Jóhönnu treysti sér ekki til að fá Alþingi til að svara með nógu jákvæðum hætti til að ferlið gæti haldið áfram.  Össur og Þorsteinn höfðu ekki dug til að viðurkenna þetta, og Össur bjó til aðgerðina að "leggja umsóknina á ís".  Þeim félögum mistókst að fá sérlausn, og nú á að kenna öðrum um ófarirnar, hengja bjölluna á köttinn hið annað sinnið.  Þess vegna er allur þessi moðreykur um þjóðaratkvæðagreiðslu nú.  Ferlið er dautt, og verður ekki lífgað við, nema með aðlögun í landbúnaðar- og sjávarútvegsmálum að ESB.  Skýrsla HHÍ sýnir fram á þetta.