Fjórtándi jólasveinninn loksins kominn til byggða

Ég er búinn að sitja yfir þessum mönnum dögum saman að reyna að koma vitinu fyrir þá og okkur tókst endanlega að fá þá til að samþykkja desemberuppbótina nú í kvöld. 

Já, þakka Árna Páli Árnasyni, bjargvættinum eina og sanna. Í staðinn verður hann samþykktur sem fjórtándi jólasveinninn. Eða ættum við að veita honum ráðherrastöðu án embættis í ríkisstjórninni?

Takið eftir tóninum í orðum mannsins, gorgeirnum. Hann segist vera búinn „að sitja yfir þessum mönnum“ og „koma vitinu fyrir þá“. Mikill er máttur Árna Páls með sannleikann og máttinn sín megin.

Já, sáuð þið hvernig ég tók hann, piltar, sagði Jón sterki eftir að hafa lotið í lægra haldi.

Eða hvernig var það með manninn sem mætti í vinnuna með glóðarauga. Þegar félagarnir spurðu hvað hefði gerst sagðist hann hafa rekist á ljósastaur. Og gaf hann þér glóðarauga? spurðu þeir. Já, sagði sá meiddi, en snéri umsvifalaust vörn í sókn og sagði: En þið ættuð að sjá hvernig staurinn er útlítandi!

Fullt er af sögum um menn sem hæla sjálfum sér endalaust. Einhver sagði að fyrst enginn vildi segja neitt gott um sig væri hann nauðbeygður að gera það sjálfur. 

Samþykkt að greiða desemberuppbót

Athugasemdir

[Heimir Lárusson Fjeldsted, 18.12.2013 kl. 08:15]

Mikill maður Árni Páll :)

[Ásthildur Cesil Þórðardóttir, 18.12.2013 kl. 09:58]

Já það sem hann hefur upp úr þessu er að fólk sér mismuninn á þessari ríkisstjórn og hinni fyrri, því ekki datt þeim í hug að gefa neitt eftir, hvað sem um þessa ríkisstjórn má segja, þá hlusta þeir á rök, og þeir fylgjast líka með því hvað fólk er að ræða.  Það hefur því afskaplega lítið með Árna Pál að gera hvernig þessi mál þróuðust 

[Óskar, 18.12.2013 kl. 10:48]

það er nú bara staðreynd Sigurður og Cesil að ef ekki hefði verið fyrir stjórnarandstöðuna þá hefðu atvinnulausir aumingjar mátt éta úr nefinu á sér um jólin, enda millastjórnin með forgangsröðina á hreinu.   Bjarni sagði ÞAÐ TÓKST AÐ FINNA PENINGNA Í ÞETTA,, vá honum TÓKST ÞAÐ!!  Án þess að skerða gjafirnar til MILLANNA, SÆGREIFANNA OG LÍÚ.

[Ásthildur Cesil Þórðardóttir, 18.12.2013 kl. 14:51]

Það er eflaust rétt hjá þér Óskar, en málið er að síðustu ríkisstjórn hefði ekki auðnast að semja við stjórnarandstöðuna um svona mál, það sýndi hún oft og mörgum sinnum.  Það var sett undir sig hausinn og vaðið áfram hvað sem hver sagði, það er hluti af vandræðum þeirrar ríkisstjórnar.  Gott mál samt að þetta náðist fram, en hluti stjórnarliða vildi líka halda uppbótinni, til dæmis félagsmálaráðherrann. 

[Sindri Karl Sigurðsson, 18.12.2013 kl. 23:02]

Held að tryggingagjaldslækkunin sem hefði getað komið inn í taxta þeirra lægst launuðu hefði betur farið í hækkun á þeim. Það hefði kannski rekið hluta af þessu fólki út á vinnumarkaðinn.