Árni Páll er lítið sennilegur, hvorki í stjórn né stjórnarandstöðu

Árni Páll Árnason var gagnslaus sem félagsmálaráðherra. Hann hátti ekki neinn þátt í því að rétta við hag heimilanna eftir bankahrunið og þrengingarárin sem fylgdu. Ríkisstjórnin sem hann sat í og var stjórnað að þáverandi formanni Samfylkingarinnar gerði sitt besta til að styrkja stöðu bankanna á kostnað heimilanna.

Sem formaður Samfylkingarinnar er Árni Páll Árnason því miður gjörsamlega blankur þegar komið er að heimilunum og skuldum þeirra.

Það eina sem Árni Páll kann er að vera í stjórnarandstöðu og gagnrýna. Ekki einu sinni þá er hann sannfærandi og ekki frekar en endranær er hann sennilegur í röksemdafærslu sinni.

Ástæða er til að fagna framtaki ríkisstjórnarinnar jafnvel þó sumum þyki það ekki eins stórtækt og vonir stóðu til. Þetta er allt í áttina og á eftir að koma þúsundum landsmanna til góða. Látum ekki niðurrifsraddir gera lítið úr því besta sem hingað til hefur séð dagsins ljós fyrir skuldug heimili.

Ríkisstjórn Samfylkingarinnar og Vinstri grænna hafði hvorki getu né vilja til að aðstoða heimilin í landinu. 

„Skuldaleiksýningin var tilkomumikil“

Athugasemdir

[Rafn Haraldur Sigurðsson (IP-tala skráð) 30.11.2013 kl. 21:35]

Að horfa á fréttirnar í kvöld og sjá hvernig kommarnmir reyndu að gera lítið úr því sem þeir alldrei gerðu  en vildu núna óska þess að þeir hefðu gert er broslegt.  Kommarnir sjá aldrei ljósið þótt þeir séu blindaðir af því.

[Óskar Guðmundsson, 30.11.2013 kl. 23:47]

Það sorglegasta er að flestir vinstrimanna vísa aðeins veginn..... en fara hann ekki sjálfir.

[Halldór Egill Guðnason, 1.12.2013 kl. 01:03]

110 % trúðurinn er ekki marktækur, frekar en fyrri daginn. Varla að svari kostnaði að eyða svo miklu sem einu orði á þennan afglapa.

[Bjarni Jónsson, 1.12.2013 kl. 14:15]

Laugarvatnsstjórnin sýndi með sínu fyrsta frumvarpi til fjárlaga, að hún kann til verka.  Hallinn á síðustu fjárlögum vinstri stjórnarinnar var hins vegar sjöfaldur sá, sem hún áætlaði. 

Laugarvatnsstjórnin hefur nú með kynningu á áætlun sinni um aðgerðir til að hlaupa undir bagga með heimilunum í landinu undirstrikað þetta og sýnt, að hjarta hennar slær með skuldugum heimilum, en ekki slitastjórnum föllnu bankanna, sem voru dekurdýr vinstri stjórnarinnar.

[Kjartan Sigurgeirsson, 2.12.2013 kl. 08:46]

Það er fulldjúpt í árinni tekið að Árni Páll hafi verið gagnslaus.  Ég tel að hann hafi átt mikinn þátt í því að þessi ríkisstjórn sem nú situr komst í þá stöðu að geta efnt það sem hans stjórn þóttist ætla að gera, en hafði aldrei kjark til og það er talsvert afrek.  Gæti jafnvel verið að hann hafi lagt grunninn ásamt Jóhönnu að samfylkingin hverfi.