Bjölluatið hjá ESB

Staðreyndin er sú að umsókninni um inngöngu í Evrópusambandið var komið á framfæri sumarið 2009 án þess að nauðsynlegar forsendur væru til staðar.

Það er ekki að ástæðulausu að hún hefur gjarnan verið kölluð bjölluat. Smám saman hafa forsvarsmenn Evrópusambandsins áttað sig á þessu og fyrir vikið kom það þeim ekki ýkja mikið á óvart þegar ríkisstjórnin ákvað að hægja á viðræðunum í byrjun ársins eins og ummæli Preda eru til marks um.

Reyndar er alls óvíst hvort þeir hefðu tekið við umsókninni ef þeir hefðu vitað strax íupphafi á hversu veikum grunni hún væri byggð.

Þetta er úr pistli Hjartar Guðmundssonar í Morgunblaðinu í morgun. Hann hefur rétt fyrir sér. Umsókn Íslands um aðild er ekkert annað en bjölluat því meirihluti landsmanna segist vera fylgjandi því að sjá hvað sé í pakkanum, hvað verði í samningnum.

Um leið áttar enginn sig á því að ekki er um neinn samning að ræða. Þetta eru aðlögunarviðræður og ESB gefur ekki kost á neinum samningi nema stjórnarskránni sem kennd er við Lissabon. Hana þarf að taka upp í einu lagi. 

Athugasemdir

[Ásthildur Cesil Þórðardóttir, 26.4.2013 kl. 11:01]

Sem betur fer er þessi staðreynd að opnast fyrir mörgum.  Loksins.

[S i g u r ð u r S i g u r ð a r s o n, 26.4.2013 kl. 11:37]

Það er ekki nóg. Meirihluti þjóðarinnar heldur að við séum í samningaviðræðum við ESB og þær endi með því að við gerum einhvern samning. Þessu hefur verið logið að fólki.

[Ásthildur Cesil Þórðardóttir, 26.4.2013 kl. 13:32]

Já við þurfum að auka fræðsluna um hvað hér er á ferðinni, það er alveg ljóst.

[Óskar, 26.4.2013 kl. 15:17]

Þetta er merkilegt. Samkvæmt þér þá verður Ísland fyrsta landið sem gengur í ESB án þess að semja um aðild!

[S i g u r ð u r S i g u r ð a r s o n, 26.4.2013 kl. 15:25]

Nú þarftu í fyrsta lagi að lesa betur hér að ofan og í öðru lagi út á hvað ESB segir að aðlögunarviðræðurnar ganga. Haldir þú að verið sé að semja um aðild þá er það afar mikill misskilningur. aðlögunarviðræðurnar eru nokkurs onar krossapróf fyrir Ísland. Verið er að kanna hvort stjórnsýslan, lög og reglur hér á landi passi við stjórnarskrá ESB. Þetta er kannað í 35 atriðum, svolkölluðum köflum eða „acqis“. Þegar kafla er lokað þýðir það eitt að umsóknarlandið hefur staðið athugunina.

[Elle_, 27.4.2013 kl. 11:11]

Varðandi no. 2 frá Sigurði. Það ætti að sækja stjórnmálamenn til saka sem lugu þessu að þjóðinni, og embættismenn, ef einhverjir voru.  Það ætti að verða eitt af verkum nýrrar stjórnar, eftir að Brusselumsóknin hefur verið stoppuð og hinni svokölluðu Evrópustofu lokað.  

[S i g u r ð u r S i g u r ð a r s o n, 27.4.2013 kl. 11:14]

Það er einmitt þetta sem ég skil ekki, Elle. Hvers vegna embættismenn og ríkisstjórn segja að samningur sé í boði við lok „samningaviðræðna“ þegar ESB segir allt annað. Ég hallast að því að kommissararnir hjá ESB viti hvað þeir eru að tala um en skil ekkert í löndum okkar.

[Ásthildur Cesil Þórðardóttir, 27.4.2013 kl. 11:36]

Það þarf að koma þessu vel á framfæri, það er óþolandi að fráfarandi stjórnvöld hafi óáreitt fengið að ljúga að þjóðinni.

[Elle_, 27.4.2013 kl. 12:29]

Í alvöru ætti þetta að koma fram fyrir dómi, enda kemur það alveg fram frá ESB sjálfu, skriflega, að þetta er ómumsemjanleg yfirtaka ESB yfir sambandsríkjunum, ekki samningur.  Og oft búið að vísa í það.  Það er ekki eins og íslenskir stjórnmálamenn, með Össur fremstan, viti ekki að um er að ræða upptöku allra laga ESB, en ekki neinar samningaviðræður í gangi. 

Þar segir að orðið 'negotiation' (samningaviðræður) sé villandi.  Þar segir að upptaka 100 þúsund blaðsíðna laga þeirra sé 'not negotiable' (óumsemjanlegt).  Meðan fær utanríkisráðherra landsins að ljúga að þjóðinni að við séum í samningaviðræðum.  Það er óþolandi og ætti að taka á þessu strax.

Frá ESB stækkunarstjóranum, 2007

First, it is important to underline that the term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 90,000 pages of them. And these rules (also known as "acquis", French for "that which has been agreed") are not negotiable.

Frá ESB stækkunarstjóranum, 2011

The term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 100,000 pages of them. And these rules (also known as the acquis, French for "that which has been agreed") are not negotiable.

[Elle_, 27.4.2013 kl. 12:30]

- - óumsemjanleg yfirtaka

[S i g u r ð u r S i g u r ð a r s o n, 27.4.2013 kl. 13:48]

Ég er margbúinn að vísa í þetta sama plagg og svo hafa aðrir gert. Samt er talað um samningaviðræður en ekki aðlögunarviðræður. Þetta er krossapróf sem Ísland er að taka hjá ESB.