Furðulegt fyrirkomulag formannskjör í fylkingunni

Hjá Samfylkingunni kjósa menn rafrænt. Það er til mikillar fyrirmyndar og öðrum stjórnmálaflokkum til eftirbreytni.

Kosningunni lauk í gær og nokkrum sekúndum síðar hefðu úrslit átt að vera ljós. Þeir jafnaðarmenn þorðu hins vegar ekki að stíga skrefið til fulls og leyfðu að líka væri kosið á hinn forna veg. þau atkvæði munu væntanleg með bréfdúfum, skipum og landpóstinum (þessum á hrossi með lúður) í vor.

Ekki ætla ég að kvarta undan skipulagi í Samfylkingunni. Hitt verð ég að segja, vegna þess að ég veit hvernig málin eru í Sjálfstæðisflokknum, að þar hafa hátt á annað þúsund atkvæði í formannskjöri verið talin á rúmri klukkustund á landsfundi og er þó ekki um rafræna kosningu að ræða, allt á hinn forna máta. 

Til hvers er þá verið að brúka rafræna kosningu ef úrslitin mega ekki vera strax ljós? Nei, þeir ætla að bíða með upplýsingarnar fram á fjórða dag eftir að kosningu lýkur og tilkynna þá um nýja formanninn. 

Um þriðjungur félagsmanna kaus

Athugasemdir

[Hannes Friðriksson , 29.1.2013 kl. 12:11]

Er ekki  bara skynsamlegt að leyfa öllum atkvæðum að berast áður en talið er og úrslit tilkynnt:)

Bestu kveðjur

[Ragnar Gunnlaugsson, 29.1.2013 kl. 12:26]

Gott ef þeir verða búnir að telja fyrir kosningar.

Sjaldan veita forystumenn Samfylkingarinnar mér ánægju með ræðum sínum,þó er undantekning það er þegar þeir lýsa yfir og útiloka samstarf við Sjálfstæðisflokkinn,vona ég að þeir standi við það meðan ekki kemur meira mannval að þeirra forystu. Flokkur sem hefur aðeins tvö stefnumál þ.e.s.afsala fullveldinu til ESB og fara eins illa með sinn samstarfsflokk í ríkistjórn og þeir hafa vit til, og allt er þar notað hótanir, rýtingar og fleygar. Sést það á VG þar sem bara er gæran eftir af þeim flokk. Við sjálfstæðismenn munum líka hvernig þeir komu fram eftir bankahrunið,stóðu glottandi á hliðarlínunni og kenndu sjálfstæðismönnum um allt sem miður fór. Má ég þá heldur biðja um Villiketti sem samstarfsaðila.

[S i g u r ð u r S i g u r ð a r s o n, 29.1.2013 kl. 12:31]

Jú, Hannes. Þessi rafrænu atkvæði berast seint.

Ragnar, get eiginlega tekið undir með fleet af því sem þú segir. Hins vegar er erfitt að taka við villiköttunum í samstarf þegar þeir eru eiginlega ekkert nema gæran, eins og þú segir. Lítið gagn að slíkum.

[Ómar Ragnarsson, 30.1.2013 kl. 03:09]

Í kosningum hluta flokksmanna á landsfundi er auðvitað auðveldara að telja atkvæðin frá lokuðum sal en með póstatkvæðum af öllu landinu

Því færri og aflokaðri, sem hafa atkvæðisrétt, því fljótlegra er þetta.

Ætla mætti af umfjölluninni hér að ofan að það sé aðalatriðið að úrslitin fáist sem allra fyrst en aukaatriði hve stór hluti flokksfólks fær að kjósa og algert aukaatriði að allir fái að kjósa sem það vilja.

Á landsfundum flokkanna er það fráfarandi formaður sem flytur sína skýrslu í upphafi fundir áður en tilkynnt er hver verði næsti formaður.

Oftast er það tilkynnt í lok landsfundar.

Af hverju er það óeðlilegt að þetta sé svona hjá Samfó eins og hjá öðrum flokkum?