Ótrúlega léleg samningatækni

Það hefur alltaf legið fyrir að erfiðistu kaflarnir í aðlögunarviðræðunum við ESB væru sjávarútvegs- og landbúnaðarmál. Þeim hefur lengi verið skotið á frest.

Þeir sem einhverja þekkingu hafa á samningaviðræðum vita að það þjónar engum tilgangi að fresta viðræðum um ágreiningsmálin. Nú hefur viðræðum um fimmtán köflum verið lokað. Af hverju var þá ekki tekið til við að ræða um sjávarútveginn fyrr? 

Ástæðan er einföld og Ragnheiður Elín Árnadóttir þingmaður Sjálfstæðisflokksins hefur rétt fyrir sér. Tilgangurinn er að nota þá sem skiptimynt og í þokkabót að láta nýja ríkisstjórn um að taka á vandanum vegna þess að sú núverandi getur það ekki.

 

Erfiðu kaflarnir ekki skiptimynt

Athugasemdir

[Ingibjörg Guðrún Magnúsdóttir, 9.1.2013 kl. 18:25]

Algjörlega sammála þér Sigurður hér.

[Gunnlaugur I., 9.1.2013 kl. 19:26]

Allt leikur þetta á lyginni hjá þeim.

Óheilyndi, leynd, lygi og pukur.

1. Enginn veit - hverjir - tók ákvörðunina um að setja mikilvægustu málefnin í aðildarviðræðunum í salt.

2. Enginn veit heldur - hvenær - þessi ákvörðun var tekin.

3. Enginn virðist heldur vita - hvernig - þessi ákvörðun var eiginlega tekin.

Þetta er eins og allt annað í þessu aðildar ferli alveg sérlega gegnsætt, opið og lýðræðislegt.

Eða hitt þó heldur !

[Skeggi Skaftason, 9.1.2013 kl. 20:07]

Sigurður segir

það þjónar engum tilgangi að fresta viðræðum um ágreiningsmálin.

Nei, þetta er nú raunar ekki alveg rétt. Ef báðir aðilar VILJA ná samkomulagi þá hníga ákveðin rök að því að ræða fyrst hið auðvelda en geyma hið erfiða, svo þegar menn hafa í góðri sátt klárað að semja um það sem er til að gera auðvelt, og náð að kynnast og eflt traust í leiðinni, þá er búið að "investera" í viðræðunum og báðir aðilar leggja meira á sig en ella til að klára að semja um erfiðu málin.

Samt sem áður fáum við kjósendur svo að lokum að segja álit okkar á samningnum og höfum lokaorðið fyrir Íslands hönd.

[Ólafur Ingi Brandsson, 9.1.2013 kl. 22:51]

Ef eðlilega hefði verið staðið að þessarri umsókn þá hefði verið farið í að semja um erfiðustu kaflana fyrst eða mjög fljótt, því ef ekkert vit væri í þeim köflum væri engin ástæða að halda þessu ferli áfram, en þessu var hvolft á haus til að vinna sér inn tíma, geta komið styrkjunum inn í landið, kaupa ESB velvild.

[S i g u r ð u r S i g u r ð a r s o n, 9.1.2013 kl. 23:32]

Hvaða samninga áttu við, Skeggi? Verið er að ræða hvort og hvernig Ísland uppfylli kröfur ESB um aðild. Ekki er verið að ræða hvort eða hvernig ESB uppfylli íslenskar kröfur. Það eina sem við fáum út úr þessum viðræðum sem líkja má við samning, eru tímabundnar undanþágur, ekkert annað. Þar af leiðandi er betra að ræða erfiðu kaflana fyrst, rétt eins og Ólafur Ingi segir. Út á það gengur samningatækni, ekki að fresta þeim. Sé það hins vegar gert liggur einhver hundurinn grafinn í þeirri aðgerð, rétt eins og kemur fram í pistlinum. Þetta er því pólitísk aðgerð ekki tæknileg að fresta erfiðu köflunum.

[Björn Geir Leifsson, 9.1.2013 kl. 23:58]

Kunnátta í samningatækni er hugtak sem fáir íslendingar skilja.

Þangað til ég hafði gengið námskeið í samningatækni í HR í sambandi við mastersnám fyrir nokkrum árum hafði ég ekki græna glóru um að þetta er heil vísindagrein, sérfræðikunnátta sem hægt er að læra.

Eitt besta dæmið um fáfræðina og viðvaningsháttinn sem ríkir í þessum efnum var þegar ákveðnir aðilar (ég var búinn að skrifa "hlandhausar" en það er ljótt að stríða) höfnuðu sérfróðum samningamönnum og lögspekingum og útnenfdu í staðinn fólk sem enga hentuga sérhæfingu hafði í fyrstu IceSave samningaumferðina svo sem frægt er.

Það eru senniega mjög fáir íslendingar sem átta sig á mikilvægi sérkunnáttu í samningatækni.

[Anna Sigríður Guðmundsdóttir, 10.1.2013 kl. 00:32]

Eru "barnaverndar"nefndar-sálar-aftökusveitir leyfðar hjá ESB?

Það er ekki seinna vænna, að ganga úr skugga um  mikilvægustu  kaflana í ESB-samningaviðræðunum!!!

M.b.kv.