Ég fékk fimmfalt fleiri atkvæði en Steingrímur

Flokkur sem er með 722 flokksbundna og aðeins 261 sjá ástæðu til að kjósa í prófkjör á í vanda. Formaður flokks sem hlýtur 199 atkvæði á í enn meiri vanda. Og hann er þakklátur fyrir þann stuðning sem hann fékk. Litlu verður Vöggur feginn.

Ég tók þátt í prófkjöri Sjálfstæðisflokksins í Reykjavík og fékk fimmfalt fleiri atkvæði en formaður Vinstri grænna sem þó er atvinnumálaráðherra og fyrrverandi fjármálaráðherra og þingmaður til 30 ára. Ég kom ekki til álita en Steingrímur er þakklátur fyrir stuðninginn sem var sáralítill.

Staðreyndin er sú að Vinstri hreyfingin grænt framboð er orðið að kaffiborðsframboði. Þrátt fyrir að Steingrímur gapi um ótrúlega góða frammistöðu ríkisstjórnarinnar og hvessi sig við þá sem mótmæla hrynur fylgið af flokknum sem og af Samfylkingunni. Hvers vegna? Jú hér eru nokkur dæmi:

1. Ríkisstjórninni hefur ekki tekist að vinna gegn atvinnuleysinu
2. Ríkisstjórnin hefur ekki unnið neitt vegna bágrar skuldastöðu heimilanna
3. Ríkisstjórnin skattar landsmenn og fyrirtækin
4. Ríkisstjórnin hefur ekki náð árangri í uppbyggingu atvinnulífsins
5. Ríkisstjórnin hefur ekki stefnu gegn verðtryggingu lána
6. Ríkisstjórnin stuðlar að óeiningu ekki samvinnu 
7. Ríkisstjórnin hefur unnið gegn hagsmunum landsbyggðarinnar
8. Ríkisstjórnin sótti um aðild að ESB að þjóðinni forspurðri

Er nokkur furða þótt Steingrímur sé þakklátur fyrir 199 atkvæði?

 

Steingrímur: Sterkur listi

Athugasemdir

[Sindri Karl Sigurðsson, 15.12.2012 kl. 16:51]

Hvernig í ósköpunum færðu það út að þessi ríkisstjórn hafi unnið fyrir landsbyggðina?

Maður gæti haldið að þú hafir ekki komist austur fyrir Elliðár um þó nokkurn tíma.

[S i g u r ð u r S i g u r ð a r s o n, 15.12.2012 kl. 16:54]

Fyrirgefðu Sindri, þarna varð mér á. Held það hljóti að liggja í augum uppi. Laga þetta strax. Ríkisstjórnin hefur því miður unnið gegn hagsmunum landsbyggðarinnar.

[Vilhjálmur Stefánsson, 15.12.2012 kl. 17:19]

það er hæpið að hann komist á þing aftur..