Nunna í golfi

Nunna nokkur gekk til skrifta. Fyrirgefðu mér faðir, því ég notaði alveg hræðilegt orðbragð núna um helgina.

 

- Haltu áfram, sagði presturinn, frekar áhugalaus.

 

- Sko, ég var úti á golfvelli og náði þessu svakalega góða drævi á fjórðu braut, sem er par sex, en kúlan lenti í símalínu sem lá yfir völlinn og datt niður eftir aðeins um þrjátíu metra.

 

- Og þá blótaðirðu náttúrulega, sagði presturinn.

 

- Nei, sagði nunnan. Því skyndilega kom íkorni hlaupandi og stal kúlunni minni.

 

- Varð það þá sem þú blótaðir, góða mín?

 

- Nei, ekki þá, því allt í einu kom örn fljúgandi og læsti klónum í íkornann og þar sem hann flaug í burtu með feng sinn þá missti íkorninn kúluna.

 

- Þá hefurðu auðvitað blótað, sagði presturinn, orðinn nokkuð áhugasamur.

 

- Nei, nei, sagði nunnan. Sko, kúlan datt niður á stærðar grjót og endurkastaðist þaðan inn á brautina og á grínið og stoppaði síðan aðeins innan við hálfan metra frá holunni.

 

Presturinn þagði um stund og fitlaði við krossinn sem hann bar um hálsinn. Svo sagði hann með fullvissu í röddinni: Kona, þú hefur þá klikkað á helvítis púttinu.

Athugasemdir

[Sigurður I B Guðmundsson, 22.11.2012 kl. 17:26]

Vinirnir voru komnir að braut þar sem þurfti að slá yfir tjörn. Siggi tíaði upp og sló en boltinn fór beint ofaní tjörnina. Þegar hann hafði gert fjórar tilraunir og boltinn alltaf farið í tjörnina sagði vinurinn við Sigga: Afhverju notar þú ekki gamlan bolta en ekki alltaf glænýjan þegar þú ert að reyna svona erfitt högg? Það er vegna þess að mér hefur aldrei tekist að eignast gamlan bolta svaraði Siggi. (frambjóðandi!!) 

[S i g u r ð u r S i g u r ð a r s o n, 22.11.2012 kl. 19:56]

Góður ... nafni!

[Guðrún Emilía Guðnadóttir, 22.11.2012 kl. 21:10]

Gangi þér vel í prófkjörinu Sigurður.