Hefur verið leitað á hálendinu?

Einhvern veginn hélt ég að þegar svona áhlaup gerðist væri reynt að kanna hvernig staðan væri í fjallaskálum eða á fjallvegum. Fjölmargir eru á ferð í september enda veðurlag oftast með ágætum í þeim mánuði á undanförnum árum. 

Maður spyr hvort farið hafi verið kerfisbundið um hálendið til að kanna hvort þar sé einhver. Ég fór í nóvember á síðasta ári á Fimmvörðuháls og þar hitti ég par sem var mjög illa búið til gönguferða. Hefði veðrið breyst til hins verra hefði þetta fólk aldrei komist til byggða af sjálfsdáðum.

 

Símalaus í fjallaskála í tæpa viku

Athugasemdir

[Ómar Bjarki Smárason, 15.9.2012 kl. 21:20]

Gott að vekja athygli á þessu og full ástæða að fljúga yfir hálendi og kanna vel hvort hugsanlega séu fleiri strandaglópar sem ekki hafa komist leiðar sinnar.

[Valbjörn Júlíus Þorláksson, 16.9.2012 kl. 00:02]

Eins og þessi

http://www.641.is/frettir/hjolreidamadur-heppinn-ad-vera-a-lifi/

Væri einhver að leita að honum ef ferð hans hefði tafist um 1 dag. Og hann hefði þar af leiðandi ekki komist til byggða?

[Sigurður Haraldsson, 16.9.2012 kl. 10:37]

Sæll, það hefði verið leitað ef einhver hefði sagst hafa séð Ísbjörn en eftir eitt versta veður sem komið hefur á þessum tíma þá sofa menn bara! Enn eru bændur að komast að því að kindurnar þeirra sluppu ekki við verðurofsan veit um nokkur tilfelli sem komið hafa upp nú tvo síðustu daga þar sem ekki finnast tugir kinda sem áttu að vera vísar! Auðvitað ætti þyrla að vera búin að leita á hálendinu það er lágmark!

[ViceRoy, 16.9.2012 kl. 12:03]

Mér finnst skrýtið að á þessum tíma tækninnar sem við búum á, skuli ekki vera búið að koma fyrir neyðarsendum í neyðarskýlum... Það væri alla vega hugmynd sem vert væri að skoða.

[Teitur Haraldsson, 16.9.2012 kl. 13:10]

Það er góð hugmynd ViceRoy.
stór undarlegt að þetta sé ekki komið.