Prófkjör ráði framboðslistum

Samband ungra sjálfstæðismanna hefur alla tíð verið rótækt og krefjandi í stefnu sinni. Þeim eldri hefur oft þótt nóg um en fræg eru ummæli Geirs Hallgrímssonar, þáverandi formanns flokksins, sem sagði einhverju sinni að SUS væri samviska Sjálfstæðisflokksins. 

Auðvitað er það rétt stefna sem ungir Sjálfstæðismenn hafa markað að prófkjör eigi að ráða framboðslistum flokksins í öllum kjördæmum. Allt annað er tómur aumingjaskapur sem kemur i bakið á flokknum fyrr eða síðar. 

Prófkjör þurfa reglur og séu þær sanngjarnar og lýðræðislegar hvetja þær fólk til að gefa kost á sér. Og Sjálfstæðisflokkinn vantar fólk, nýtt fólk sem tekið getur málefnalega á pólitík vinstri stjórnarinnar. Framar öllu þarf flokkurinn að segja kjósendum sínum hvað hann ætli að gera í mikilvægustu málum þjóðarinnar; skattamálum, skuldamálum heimilanna, gjaldeyrismálum, ríkisfjármálum og atvinnumálum.

SUS vill prófkjör

Athugasemdir

[Hrólfur Þ Hraundal, 13.8.2012 kl. 12:39]

Sjálfstæðisflokkurinn er eins og inn pakkaður til geymslu.  Ápakkanum stendur til notkunar handa þeim sem nenna síðar. 

Það þarf að sparka duglega í afturendann á þessum svokallaða formanni Bjarna Ben, eða finna í hans stað einhvern sem nennir, þorir og hefur vit og æru til.  Verði það ekki gert þá erum við í sömu stöðu og kjósendur í þorpinu Reykjavík.

    

[Kristján B Kristinsson (IP-tala skráð) 13.8.2012 kl. 15:22]

Hver er þessi Bjarni Ben? Fer hann huldu höfði?

[Jón Baldur Lorange, 13.8.2012 kl. 18:24]

Opin prófkjör voru haldin fyrir síðustu alþingiskosningar - eftir hrun. Varð mikil endurnýjun á framboðslistum?