Þrjár flugur ...

Jóhanna Sigurðardóttir hefur frá því að hún varð forsætisráðherra 1. febrúar 2009 þráð að breyta stjórnarskránni. Henni mistókst það hrapallega fyrir kosningar 25. apríl 2009. Henni mistókst að láta kjósa stjórnlagaþing. Henni mistókst að standa þannig að afgreiðslu alþingis á tillögum stjórnlagaráðs að hún hafi komið málinu á beinu brautina.

Jóhönnu var svo mikið í mun að halda í kröfu stjórnlagaráðs um að efnt yrði til þjóðaratkvæðagreiðslu um tillögur þess að hún samþykkti skoðanakönnun sem þjóðaratkvæðagreiðslu. Jóhanna gleymdi að fara að lögum um þjóðaratkvæðagreiðslu. Innanríkisráðuneytið veit ekki hvenær atkvæðagreiðslan, sem kostar 250 milljónir króna, á að fara fram.

Að Jóhanna veldi þann kost að vinna að stjórnarskrármálinu í ágreiningi milli stjórnmálaflokkanna varð Ólafi Ragnari Grímssyni hvati til að bjóða sig fram til forseta í fimmta sinn í óþökk Jóhönnu.

Þess eru engin dæmi að forsætisráðherra nokkurs lýðræðisríkis hafi haldið jafnilla á tillögu um breytingar á stjórnarskrá. Jóhanna lætur ekki segjast. Þingflokkur Samfylkingarinnar styður hana og vinstri-grænir líka. Stjórnarskrármálið snertir tilverugrundvöll ríkisstjórnarinnar eins og ESB-aðildarumsóknin. Færi ríkisstjórnin frá yrðu þessi tvö vandræðamál úr sögunni í núverandi mynd. Að ríkisstjórn vilji lifa fyrir málstað af þessu tagi segir allt sem segja þarf um hversu óhæf hún er.

 

Svo segir Björn Bjarnason í dag á heimasíðu sinni. Réttilega telur hann upp tvö vandræðamál ríkisstjórnarinnar sem hún virðist engu að síður hafa nein tök á enda stefnir hún með bæði í ógöngur. Færi ríkisstjórnin frá, sem væri þjóðþrifamál, losnuðum við ekki síst við hana, heldur líka ESB og stjórnarráðsmálið sem ekki virðist mega ræða á Alþingi. Þrjár flugur í einu höggi.

 

Athugasemdir

[Hrólfur Þ Hraundal, 15.7.2012 kl. 15:13]

Já og þegar við losnum við Jóhönnu og þann fláráð sem stendur undir henni á ráðherrastóli, þá loksins getum við farið að laga til hjá okkur eftir hrunið og sóðaskap ríkisstjórnar Jóhönnu Sigurðardóttur.   

Landinn hunsaði vitlausustu kosningar sem til hafa orðið á Íslandi en Jóhanna skildi það ekki og æðsti dómstóll dæmdi þær kosningar ógildar en Jóhanna vitlausa smíðaði óráð.

Þetta stjórnlaga þings óráð er sett saman af ómerkingum sem leggja sig mjög fram um að gefa skít í vilja landans sem hunsaði vitlausustu kosningar sem til hafa orðið á Ísland.